| Nummer:oub1530 | Datum:25. März 1497 | Überlieferung:Editie | Fundstelle:Ostfriesisches Urkundenbuch, II, S. 532, nr. 1530 |
Die Domherren Hermann von Tungeln und Heinrich Schenckink schreiben dem Drosten Herberd von Dorgelo zu Kloppenburg über die Aussagen mehrerer gefangener Landsknechte, welche im Auftrage des Grafen Edzard Jever durch List einzunehmen beabsichtigt hatten, und veranlassen ihn, Edo Wiemken zu warnen.
Dem erberen Herberdt von Doringelo, drosten tor Cloppenborch, unsen guden frundt.
Erber gude frundt. En mandage vorgangen weren van Emeden to schepe gefaren umbtryndt 70 eder 80 knechte na Westerwolde, und van dar quamen se en gudensdage wederumme und weren doer Rede gereyset na Vresland, und van den knechten hadden sick twe te Rede entholden, de upt Nyehues gehalt und gesad sin; de seggen, dat se na Oldenborch wolden gereyset heben und vort van dar na juncker Eden und em eren denst geboden, und dorch behende listige rede em de borch to Jever wolden affgesleken heben, und dar sindt mede naemafftich juncker Wendell, Casper Lanckhals, Judas Vleysch, Jorgen, Thewen Walgaer und Johan van Collen, und de greve van Vresland hadde itliken knechte geven 1 Davitsgulden; und hadden so Jever also angekregen, solden se under en allen 300 golden gulden gehat heben, und als de knechte up Westerwolde den anslach und handel eyndels horden, wolden se dar nicht to volgen und togen also weder na Vresland, dat gy juncker Eden wal to kennene mochten geven, offt juw geraden duchte, dat he wal tosee, wen he annympt vor knechte. God sy myt juw. Gescreven up den hilgen Paessche avent, anno etc. XCVIIo
Herman van Dungelen,
Hinricus Schenckinck, domheren.
Erber gude frundt. En mandage vorgangen weren van Emeden to schepe gefaren umbtryndt 70 eder 80 knechte na Westerwolde, und van dar quamen se en gudensdage wederumme und weren doer Rede gereyset na Vresland, und van den knechten hadden sick twe te Rede entholden, de upt Nyehues gehalt und gesad sin; de seggen, dat se na Oldenborch wolden gereyset heben und vort van dar na juncker Eden und em eren denst geboden, und dorch behende listige rede em de borch to Jever wolden affgesleken heben, und dar sindt mede naemafftich juncker Wendell, Casper Lanckhals, Judas Vleysch, Jorgen, Thewen Walgaer und Johan van Collen, und de greve van Vresland hadde itliken knechte geven 1 Davitsgulden; und hadden so Jever also angekregen, solden se under en allen 300 golden gulden gehat heben, und als de knechte up Westerwolde den anslach und handel eyndels horden, wolden se dar nicht to volgen und togen also weder na Vresland, dat gy juncker Eden wal to kennene mochten geven, offt juw geraden duchte, dat he wal tosee, wen he annympt vor knechte. God sy myt juw. Gescreven up den hilgen Paessche avent, anno etc. XCVIIo
Herman van Dungelen,
Hinricus Schenckinck, domheren.
