| Nummer:oub1569 | Datum:18. Okt. 1497 | Überlieferung:Editie | Fundstelle:Ostfriesisches Urkundenbuch, II, S. 562, nr. 1569 |
Testament der Frouwa, Gemahlin des Häuptlings Edo Wiemken zu Jever.
In den namen Godes. Amen. Int jahr unsers Heren dusent vierhundert seven und negentich, am dage Lucae evangeliste, sette de erbaer und dogenthafftige Frouwe van Duren, [*] tho Jever etc. vrouwe, erer viff sinen vullmechtig, in tegenworheit des weerden hilligen sacraments, undt broder Gherdes, do tor tyt terminarii[*] tho Jhever, und des erhafftigen herr Hedden, kerkhern tho Wadtwarden, er testament und latesten willen in dusser nabescrevenen wise: Int erste huet se Goede und syne leven moder Marien bevelen eer zeelen und eren sterffliken lichname der erden. Furder so geve ick mienere leven junckherr alle miene gueder, replick und unreplick, de icc in dusseme testamente nicht en vorgeven. Item mynen zwarten syden rock in de karken tho Jhever to eynen kasel. Item mynen halssbandt in de kirken tho Jhever tho enen kelck. Item mynen roden labbert mit den schloyffen und buntwarcke in de holend en tho Jever. Item myn zwarte huven mit den Flamissen beslag to sancte Annen altaer to zierheit to eyneme kelcke. Item so geve ick noch tho sancte Annen altaer so vele sulvers, daer men einen kelck aff maken mach. Item dem sueten nahmen Jhesus tho Clewerns eyne keede, daer men eynen kelck aff maken mach. Item den vier biddenden orden myn eyne perdt. Item thom Oestringenvelde int kloester mein ander perdt, und mien ander beschlagen mauwen, de witte mouven tho enen kelck; und ist daer so veele sulver nicht, so scall mien junckher daer so veele tho geven. Item so is daer eyne keede von ses edder seven loden, de scall tho Schortens vor dem lyden unses Herrn
Item tho Schackelerhove eyn gordel. Item tho sante Joest eyn gordel. Item tho Wadtwarden in de eer sancti Johannis dat beste gordel Item tho Wiarden en gordel. Item broeder Scherde mien ene bichtvader twe Rinsgulden und eynen hoycken. Item den megeden myne kleider, de nicht vergeven en syndt. Item vrouw Etten mienen zwarten suben. Item tho Bremen in de broderscupp sancti Petri twe Rinsgulden. Item thor Wardenburg enen gordel. Item tho sancte Gehrtrudt vor Oldenburg twe Rinsgulden und tho den lyden unses Heren dorsulvest ock twe Rinsgulden. Item unse leve Vrouwe tor nodt tho Jhever mynen roden tabbert to eynen kasel, dar scall myn junckher eyn cruce up geven. Item der proissin tom Velde eynen hoycken. Item de huer, de myn leve broeder von myner wegen noch underhefft, geve ick to Esensen int kloester. Item vrouw Etten bin ick schuldig 14 Rinsgulden und 2 Davidtgulde und 64 Arensgulden. Item der proissen ton Velde 5 1/2 Rinsgulden. Item Kunneken der maget 2 Rinsgulden und 30 Arensgulden. Item myn salige dochter Inse is schuldig den wiltschutten 2 Rinsgulden, undt Gerdt Hidden 1 Rinsgulden. Item Anneken bin ick schuldig 1 Rinsgulden, undt bin oek er loen schuldig, wovell, in my unwitlick. Item Kathe dem sadelmaker 2 Rinsgulden. Item Lysen to Emarden (?) 2 Arensgulden undt 2 ellen rodes saerdockes. Item Melke tho Wyerden 10 Rinsgulden von salige Ide Sarders weegen tho Meringsburg, dat dat wedder in de rechten handt komme, und wes ick Eylken schuldig bin scall myn junckher betalen. Item Welcken Cremers by 2 Arensgulden. Item Eile Wubtes viff Arensgulden scall men kern in de ehr[*] Godes. Item de meyersche, de over jaer storff, 7 Arensgulden, scall wen kern in sunte Annen eer tho Jhever. Item Godeken 1 Rinsgulden. Item Reders tho Amdorppe 1 Rinsgulden van siner moder wegen, scall men 30 messen vor lesen laten. Item de schuld, de ick Clauws Kote schuldig byn, scall myn leve junckher mit on rekenen und de van myner wegen betalen. Item myn leve junckher scall my undt den kinder dre zielbode[*] tho Bremen nu doen laten. Tho mehrer tuchnisse dusser vorg. puncte und articule hebbe ich her Hedde, kerkher ergenant, myn ingesegel witlick beneden an dussen breff gehangen, und so ick broder Gerdt sulvest nyn segel en vore, so hebbe ick mit herr Hedden dusset voer de erhafftige herr Heynen tho Hohenkirchen, her Lubben tho Tettens und herr Inken tho Wyerden, kerkherren, by den hilligen evangelio bekant und dogestaen, und se dorum sambt undt besonder umme der warheydt tuchnisse to gevende, geeschet und gebeden, deme wy dree kerkhere vorg. also gedaen hebben, und hebben to mehrer zekerheit unse ingesegele itlick van uns besunder witlicken beneden an dusset testament gehangen. Datum anno Domini ut supra.
Item tho Schackelerhove eyn gordel. Item tho sante Joest eyn gordel. Item tho Wadtwarden in de eer sancti Johannis dat beste gordel Item tho Wiarden en gordel. Item broeder Scherde mien ene bichtvader twe Rinsgulden und eynen hoycken. Item den megeden myne kleider, de nicht vergeven en syndt. Item vrouw Etten mienen zwarten suben. Item tho Bremen in de broderscupp sancti Petri twe Rinsgulden. Item thor Wardenburg enen gordel. Item tho sancte Gehrtrudt vor Oldenburg twe Rinsgulden und tho den lyden unses Heren dorsulvest ock twe Rinsgulden. Item unse leve Vrouwe tor nodt tho Jhever mynen roden tabbert to eynen kasel, dar scall myn junckher eyn cruce up geven. Item der proissin tom Velde eynen hoycken. Item de huer, de myn leve broeder von myner wegen noch underhefft, geve ick to Esensen int kloester. Item vrouw Etten bin ick schuldig 14 Rinsgulden und 2 Davidtgulde und 64 Arensgulden. Item der proissen ton Velde 5 1/2 Rinsgulden. Item Kunneken der maget 2 Rinsgulden und 30 Arensgulden. Item myn salige dochter Inse is schuldig den wiltschutten 2 Rinsgulden, undt Gerdt Hidden 1 Rinsgulden. Item Anneken bin ick schuldig 1 Rinsgulden, undt bin oek er loen schuldig, wovell, in my unwitlick. Item Kathe dem sadelmaker 2 Rinsgulden. Item Lysen to Emarden (?) 2 Arensgulden undt 2 ellen rodes saerdockes. Item Melke tho Wyerden 10 Rinsgulden von salige Ide Sarders weegen tho Meringsburg, dat dat wedder in de rechten handt komme, und wes ick Eylken schuldig bin scall myn junckher betalen. Item Welcken Cremers by 2 Arensgulden. Item Eile Wubtes viff Arensgulden scall men kern in de ehr[*] Godes. Item de meyersche, de over jaer storff, 7 Arensgulden, scall wen kern in sunte Annen eer tho Jhever. Item Godeken 1 Rinsgulden. Item Reders tho Amdorppe 1 Rinsgulden van siner moder wegen, scall men 30 messen vor lesen laten. Item de schuld, de ick Clauws Kote schuldig byn, scall myn leve junckher mit on rekenen und de van myner wegen betalen. Item myn leve junckher scall my undt den kinder dre zielbode[*] tho Bremen nu doen laten. Tho mehrer tuchnisse dusser vorg. puncte und articule hebbe ich her Hedde, kerkher ergenant, myn ingesegel witlick beneden an dussen breff gehangen, und so ick broder Gerdt sulvest nyn segel en vore, so hebbe ick mit herr Hedden dusset voer de erhafftige herr Heynen tho Hohenkirchen, her Lubben tho Tettens und herr Inken tho Wyerden, kerkherren, by den hilligen evangelio bekant und dogestaen, und se dorum sambt undt besonder umme der warheydt tuchnisse to gevende, geeschet und gebeden, deme wy dree kerkhere vorg. also gedaen hebben, und hebben to mehrer zekerheit unse ingesegele itlick van uns besunder witlicken beneden an dusset testament gehangen. Datum anno Domini ut supra.
