| Nummer:oub1615 | Datum:Jever, 1498 | Überlieferung:Editie | Fundstelle:Ostfriesisches Urkundenbuch, II, S. 596, nr. 1615 |
Schreiben Edo Wiemkens an Bremen und Hamburg, in dem er seine Befürchtungen ausspricht, dass Graf Edzard die Vereinbarung von Burmönken nicht beobachten werde.
Dyt is eyn concept an beide stede Bremen undt Hamborgh van der soene to Busmoncken.
Den ersamen undt achtborn wysen borgermesteren undt reyden beider stede Bremen undt Hanborgh, mynen guden frunden semptliken undt bysunderen fruntliken gescreven.
Mine fruntlike grut thovorn. Ersamen undt achtbaren leven guden frunde. Yuwer leften mach allen wall indechtich syn, dat yuwer beider stede rede undt frunde tuschen dem greven heren Ezardt an eyne, undt Heren Ommeken undt my an de anderen siden latest tho Buschmoniken ene vaste unwederroeplike soene bededinget hadden, de wy principalen parten an beiden siden thovoren undt gy beide stede darnae umb unsser aller bede willen vorsegelt hebben, welker ich ock besher ungebrocken gehoelden hebbe undt vort unvorbroken nae aller myner macht geholden to dencke; so is doch in naetiden unde vaken gehoert, dat her Ezardt openbar an bywesen yuwer beider stede fremde undt andern namaftigen edelen heren undt frunden heft vorluden laten, [*] dat he sollike soene, so in mathen van em vorsegelt undt van yu, nicht helde van gewerde, des ich doch vorhoppe nae aller billicheidt myt eren of mit rechte syn eghen vorsegelinge nicht lofloes undt nederfellich erkennen solle, sunderlix teghen my oft de myne, de ich nicht gebrocken hebbe noch dencke tho brecken, undt offt dan dar enboven desolve greve, so doch vlochmer is weder my undt de myne ander vorderflicke upsate hedde undt my deshalven besorghen hedde my myt korter elen tho methen, so ingeliken myt anderen mynen naburen an dossn vorgangen jar wall vorfaren is, warumb, ersamen leven guden frunde, is myn andechtige bede von yu steden beide undt boger tho weten, wes ich my deshalven nae alln geleghe, off sollix in tokomen tiden geschege, tho yuwen leeften vorhopen solle, undt my scriftliken vorwilligen, off gy stede beide sollike soene by macht eder by unmacht holden willen; vorschuldige ich altyt weder yu undt de yuwe, undt wes ich in geliken offt meren vormach, kent God, de yu leefften tho langen tiden in waller (!) macht beware. Gescreven tho Jewer in unsser borgh. Amme jar dusendt verhundert achte undtnegentich, des dages etc.
Edo Wymmeken, tho Jewer in Oestfreisland hoefftlingk.
Den ersamen undt achtborn wysen borgermesteren undt reyden beider stede Bremen undt Hanborgh, mynen guden frunden semptliken undt bysunderen fruntliken gescreven.
Mine fruntlike grut thovorn. Ersamen undt achtbaren leven guden frunde. Yuwer leften mach allen wall indechtich syn, dat yuwer beider stede rede undt frunde tuschen dem greven heren Ezardt an eyne, undt Heren Ommeken undt my an de anderen siden latest tho Buschmoniken ene vaste unwederroeplike soene bededinget hadden, de wy principalen parten an beiden siden thovoren undt gy beide stede darnae umb unsser aller bede willen vorsegelt hebben, welker ich ock besher ungebrocken gehoelden hebbe undt vort unvorbroken nae aller myner macht geholden to dencke; so is doch in naetiden unde vaken gehoert, dat her Ezardt openbar an bywesen yuwer beider stede fremde undt andern namaftigen edelen heren undt frunden heft vorluden laten, [*] dat he sollike soene, so in mathen van em vorsegelt undt van yu, nicht helde van gewerde, des ich doch vorhoppe nae aller billicheidt myt eren of mit rechte syn eghen vorsegelinge nicht lofloes undt nederfellich erkennen solle, sunderlix teghen my oft de myne, de ich nicht gebrocken hebbe noch dencke tho brecken, undt offt dan dar enboven desolve greve, so doch vlochmer is weder my undt de myne ander vorderflicke upsate hedde undt my deshalven besorghen hedde my myt korter elen tho methen, so ingeliken myt anderen mynen naburen an dossn vorgangen jar wall vorfaren is, warumb, ersamen leven guden frunde, is myn andechtige bede von yu steden beide undt boger tho weten, wes ich my deshalven nae alln geleghe, off sollix in tokomen tiden geschege, tho yuwen leeften vorhopen solle, undt my scriftliken vorwilligen, off gy stede beide sollike soene by macht eder by unmacht holden willen; vorschuldige ich altyt weder yu undt de yuwe, undt wes ich in geliken offt meren vormach, kent God, de yu leefften tho langen tiden in waller (!) macht beware. Gescreven tho Jewer in unsser borgh. Amme jar dusendt verhundert achte undtnegentich, des dages etc.
Edo Wymmeken, tho Jewer in Oestfreisland hoefftlingk.
