| Nummer:oub1624 | Datum:6. Mai 1499 | Überlieferung:Editie | Fundstelle:Ostfriesisches Urkundenbuch, II, S. 605, nr. 1624 |
Antwort der Stadt Groningen auf ein Schreiben Graf Edzards in Betreff der auf der Tagfahrt zu Woerden abgemachten Verbindlichkeiten.
Den edelen wolgebornen heren Edzardt, greve toe Oestfrieslandt, guetliken gheschreven.
Edele, wolgeborne here. Soe juws edelheyden ons hebben doen scriven, van ons begerende to weten, offte wy oeck na vermoge des affsceyds ten laesten dage toe Woerden enen ytliken weder up dat sine komen ende datt rustliken gebruken willen laten, oec reysen ende vorkeren, soe dat ten vorscr. dage voer den fursten beredet is, mede oeck offte wy enige in de acht (!) in de ordinancie der schattinge der geleenden penningen solden willen maken etc., doen wy juwer edelheyden daerup ter antword weten, dat soe wy noch altyt den bestande nagaende, nement van den sinen geholden hebben, noch oec nement dat sine ontholden en dencken noch willen, oeck noch nement van den sinen holden, noch em dat sine ontholden boven vermoge des bestandes voertydes geramet ende nu laesten toe Woerden vorlenget, men den naegaen willen. Voert alse von de schattinge omme de geleende penningen to bekomen, dencken ende willen wy ons ock in alle maneren daerinne hebben ende holden nae vermoge des affsceydes ton vorscr. dage, soe onss vrenden dat vorgegeven is in to brengen, daer syck juwe edelheyden so mogen toe vorlaten. Ghescreven onder onss stad secreet, up sunte Johannes dach ante portam Latinam, anno etc. XCo nono.
Borgermeistere ende raedt der stad Groningen.
Edele, wolgeborne here. Soe juws edelheyden ons hebben doen scriven, van ons begerende to weten, offte wy oeck na vermoge des affsceyds ten laesten dage toe Woerden enen ytliken weder up dat sine komen ende datt rustliken gebruken willen laten, oec reysen ende vorkeren, soe dat ten vorscr. dage voer den fursten beredet is, mede oeck offte wy enige in de acht (!) in de ordinancie der schattinge der geleenden penningen solden willen maken etc., doen wy juwer edelheyden daerup ter antword weten, dat soe wy noch altyt den bestande nagaende, nement van den sinen geholden hebben, noch oec nement dat sine ontholden en dencken noch willen, oeck noch nement van den sinen holden, noch em dat sine ontholden boven vermoge des bestandes voertydes geramet ende nu laesten toe Woerden vorlenget, men den naegaen willen. Voert alse von de schattinge omme de geleende penningen to bekomen, dencken ende willen wy ons ock in alle maneren daerinne hebben ende holden nae vermoge des affsceydes ton vorscr. dage, soe onss vrenden dat vorgegeven is in to brengen, daer syck juwe edelheyden so mogen toe vorlaten. Ghescreven onder onss stad secreet, up sunte Johannes dach ante portam Latinam, anno etc. XCo nono.
Borgermeistere ende raedt der stad Groningen.
