Notiz über einen Rechtsstreit zwischen Geltet von Betteweer zu Emden und Uko Ubben wegen eines Hauses.

Anno etc. XCIX^o, up avent sunte Johannes baptisten, ys vor recht gecomen Gheltet van Betteweer, borger in Emden, anlangende Uko Ubben van een huses wegen, dat Uko vorscr. noch ter tyt bewoent, dat em salyge Habbo Frowtedes hadde vorkofft daer in yegenwordycheyt des ersamen drosten Udo van Koldenborch, ampman to Emden, unde der borgermesteren, als Hompo Hayen, Ghert van Ghelren unde Bernt van Duten; in orer jegenwordycheyt ene entlicke vruntschup ys vorramet tuschen den beyden parten unde daer schedeslude van beyden parten to gebeden synt, als Eddo Uffen unde Reynt kuper, borgers in Emden, so dat Uko vorscr. sal Gheltet vorscr. vornogen 60 Arensgulden, de dertych sal he betalen in werteyn (!) dagen, de ander dertych to Paeschen na dato vorscr.; dyt vorscr. ghelt sal Gheltet entfangen an synen bruetschat unde an syne schult, dat em Habbo schuldych was unde nycht van erfgode, unde we dat nycht en holt van beyden parten, de sal vorboert hebben 10 golden Rinsgulden, de hofte in myns gnedygen heren hant, unde de helfte in des rades hant.

x

x

Bestand	Ostfriesisches Urkundenbuch, II
Fol. Nr.	S. 608
Nr	1628
Olim	Eintragung im Emder Protokollbuch. Rathsarchiv, Nr. 846. S. 21.
Jahr	1499
Datumcode	vNatJoh

x

x

Kommentar	Siegel: Wappenschild mit rechtsaufgerichtetem Löwen, unten rechts im Schilde ein Stern. Als Helmschmuck eine Lilie. Umschrift: ... iert ... in Lopsum.

x

Material	papier

x

Editionen	E. Friedländer, Ostfriesisches Urkundenbuch II (Emden 1881), nr. 1628