| Nummer:oub1773 | Datum:23. Juli 1452 | Überlieferung:Editie | Fundstelle:Ostfriesisches Urkundenbuch, II, S. 735, nr. 1773 |
Gegenseitige letztwillige Verfügungen des Beneke von Aurich und seiner Frau Bertha.
Ick Reynerus cureet tor Munte, Ayliko, hoeffling to dersulve Munte, doen wytlik unde kundich allen kerstenluden in der kracht dusses opens breves, dat Beneke van Awrike ende Bertheke, zyn echte wyff, hebben ghemaket in unzer ghegenwardicheyt myt fullen vrymode ende koensent horer beyde een vorramynghe hores gudes, dat zee thosamende myt swaren arbeyde samentlike hebben vorworven, als hyerna screven steyt. Int eerste we den ander vorlevet, de zael hebben ende beholden ael dat guet, dat zee groet offte cleyne, uetghesecht ne voer den andern sterfft, de mach gheven um Godes wylle ende nutticheyt zyner sele veertich gulden, waer em guet dunket wesen, cloesteren ende preestern, en de levendighe zal waren de sele des dodens. Item weret sake, dat zee beyde storve sunder kyndere off erffname, so wyllen zee gheven ael bare gued in de ere Gudes, waer em das best dunket wesen. In orkunde desser vorscreven articlen off punte so hebben wy her Reyner ende Aylike vorghescr. unze inghesegel um bedde wylle Benekens ende Berthekens drucket uppt spacium dusses breves. Int jaer van Godis boerde Mo CCCCo ende twe unde dertich, upp saute Jacobes dach apostoli gloriosi.
