Häuptling Edzard von Emden und Norderland gewährt den Bewohnern von Nymwegen , Arnheim und Zütphen sicheres Geleit zum Besuch der Märkte zu Emden, Norden, Esens und Aurich, wie früher des Marktes zu Groningen.

Den erbaren wijsen mannen borghermeisteren, schepenen unde radmannen to Nymweghen, Arnem unde Suthfende, mijnen besunderlighen guden frunden. Vrundliken grut myd begheringhe alles guden tovorh. Erbaren guden frunde. 1k hebbe waraftighen ervaren, wo id in duner frundschap twisschen den van Gronynghe unde juw sta unde sy, unde gij ere markede na olde sede ende wonheyd myd en nicht versoken moghen etc. unde oppe dat gij van der wegen unbenouwet bliven moghen, unde omme sunderligher frundschap willen, de ick to juw hebbe, so wil ik juw orloven unde ghunnen unde ghunne juw des jeghenwardigheit in dessen breve, dat gij unde juwe copmanne all vrig unde velich juwe markede unde kopenschop moghen holden unde hebben to Emeden, to Norden, to Ezense unde to Auwerke, ghelijk unde in aller wijse, also gij de alduslanghe to Gronynghe gheholden unde vorsocht hebben, unde besunderen uppe desse tijde: des mandaghes vor myddvasten, das mandaghes vor Paschen ende vort dat jar dor, umme de dre weken eens, soverne alse gij vorarbeiden unde bestellen willen, dat gij ene vrige straten dor dat stichte to Monster hebben moghen; unde wes juw hiirane gheleved to donde, beghere ik juwes gudliken beschreven antwordes. Gode ziid bevalen. Screven under mijnen ingesiegel, am dinghesdaghe vor Oculi, anno etc. XL^o.
Idzerd, to Emeden, Norderlande hovetlingh.

x

x

Bestand	Ostfriesisches Urkundenbuch, II
Fol. Nr.	S. 744
Nr	1784
Olim	Gedr. Nijhoff, bijdragen voor vaderlandsche geschiedenis en oudheidkunde III., S. 282 und ebenda: Nieuwe reeks V., S. 64.
Jahr	1440
Datumcode	MaOculi

x

x

Material	papier

x

Editionen	E. Friedländer, Ostfriesisches Urkundenbuch II (Emden 1881), nr. 1784