| Nummer:oub1789 | Datum:Mai 1442 | Überlieferung:Editie | Fundstelle:Ostfriesisches Urkundenbuch, II, S. 746, nr. 1789 |
Extrakt aus der Instruktion der Lübischen Rathssendeboten zum Stralsunder Tage.
Aus der Instruktion der Lübischen Rathssendeboten zum Stralsunder Tage: ... Item to sprekende alse uppe de werve Mathias Doblen, also van wegen des biscopes to Munster, de dat slot Emeden ansprykt, umme daghe mit em to holdende na utwisinghe des heren van Murse breves, quam possunt legere: Hirup in den sendeboden van Lubeke bevalen to zegende, weret dat me den dach wolde myt deme biscope holden, wor me denne scholde dat ghelt nemen, wente yd deme gemenen copmanne tokumpt. Item weret dat de sendeboden van Hamborg begerden hulpe van den steden, alse umme de kost, de se gedaen hebben umme Emeden to beholdende etc.: Hirup mogen de sendeboden van Lubeke zegen, dat se darumme mennich dusent mark hebben vorteret, unde dat de Lifflandeschen stede darumme spreken, den yd zere mede tokumpt, umme ere gudere to beholdende.
