| Nummer:oub202 | Datum: | Überlieferung:Editie | Fundstelle:Ostfriesisches Urkundenbuch, II, S. 786, nr. Aanh. B, par. 2 |
Die Traditionen des Klosters Fulda, par. 2.
2. Ego Tetta trado s. Bonifacio in regione Fresonum in locis his: id est in Getolfeim, in Texalmore pascua 14 pecodum (!) et alia multa. Ego Wolfraban trado s. Bonifacio ad Fuldense m onasterium terram iuris mei in pago Tochingen, in villa que dicitur Waltheim, quinque boum terram cum omnibus possessionibus et familiis meis et prole eorum.[*] Ego Gerbraht tradidi s. Bonifacio ad Fuldense monasterium quicquid proprietatis habui in his locis: id est in Austmora et in Adingamamora, totum et integrum traditum esse volo sancto martyri Bonifacio. Ego Albericus de pago Mosao trado s. Bonifacio res, quas dedit frater meus Rudinc, id est portionem domini mei Helgrici et domina mea Agnes suam mihi tradidit portionem. Hoc est quod trado s. Bonifacio in pago Masao iuxta flumen Morae, in villa nomine Blaricge: domum scilicet unam bonam cum casis et curte magna ac suis adiacentiis, et in alia villa Walaren pomerium et pratum et 11 mansos et dimidium cum mancipiis supra sedentibus et aliis numero 46. Ego Albrih trado s. Bonifacio ad Fuldense monasterium terram pascualem quatuor boum in loco Ositanbretana cum caeteris rebus meis. Ego Albricus trado s. Bonifacio bona mea in pago Fedaeretgewe, in villa Frisgana, terram, quam mihi tradidit mater mea, et in villa Donehusen unam aream cum 6 mancipiis et prole eorum. Ego Deodredus gratia Dei comes trado ad s. Bonifacium partem hereditatis mee in villa, que dicitur Antlida, terram 30 duorum pecorum pascualem. Et in alio loco in villa, que dicitur Federvurt, terram 28 pecudum pascualem; in tercio loco in villa, que dicitur Creslinge, 10 pecudum pascua, et insuper terram arature sufficientem ad hec cum mancipiis et cultoribus agrorum 30 numero. Ego Reginmunt dono ad s. Bonifacium in Fuldensi monasterio in pago Ostrahe in his 5 villis, id est in Sibinwerde, in Fatruwerde, in Bintheim, in insula que dicitur Ambla et in villa Tunuwerde, quicquid proprietatis habeo in terris, silvis, campis, aquis, domibus, aedificiis. Similiter autem et in villa, que dicitur Longonmor, unum servum nomine Tetilo cum uxore et filiis, cum sua huba et cum omni possessione sua.
