| Nummer:oub3587 | Datum:22 april 1480 | Überlieferung:Editie | Fundstelle:Ostfriesisches Urkundenburch, III, S. 149, nr. 587 |
Testament des Häuptlings Edo Boings von Dykhausen und Gödens.
In nomine domini amen. Na der bort unses leven heren Jhesu Christi MoCCCCoLXXXo in deme avent des werdigen ridders unde martelers sunte Jurian bekende de erwerdige man Ede Boyngs, hovetlinge to Dichuzen, wonaftich tho Gudenzen, in zyneme notbedde vor mester Hayen, kercheren to Jever, unde her Syabbe, kercheren to dem Sande, unde vor my, her Teylen, kercheren to Dichuzen, unde vor Sybet, Ede Lubben zone in Rustringe, unde vor Mene unde Poppe Habben to Dichusen und Brune Gruner to Dichuzen, dat he kofft hefft vries kopes des negesten jares na junge Sybetes dot van Tadike Voken to Nortdorp seven stige grase landes, welkere lande jegenwordigen in besittinge hefft by myneme leven Enneke Versen unde Reiner Lymmens unde Buyke to Roffhuzen. Dat arve kofft ick, Ede Boyngs, do to den tyden vor CCC arensgulden unde XL in guder paymunte. Unde ock so bekenne ick, dat in myneme noetbedde in myneme latesten by myner sele salicheit, dat al der unwillen, kummer, twydracht unde verdreet, den ick hebbe had myt salige Haye Harl[des] unde mit syneme zone juncker Tanne Duren to Jevere und mit saligen Lubbe Onneken to Krypenzen, ys altomale orsprungliken here geresen van salige Onne Tyadezen, des ick syne dochter had hebbe to ener husvrowe, Frucke zaliger dechnisse, dat ock wal witlich is vele vromer lude in Wanger-, Ostringe- und Rustringelande, alze Onne up Sande, Eylert Ipsen darsulvest, Reyner Gruner to Dichuzen, Hymme Duden [?] up Sande unde Lubbrandus to Ensmenhave[*]. Ock so neme ick dat by myner sele salicheyt in jegenwordicheit des werdigen hilligen sacraments unses leven heren Jhesu Christi unde myn leste hennevart in myneme noetbedde by volmacht myner V zinne in aller redelicheit und witlickheit, dat ick nicht mer weet wen en kint, dat enes nachtes olt is, van salige juncker Tannen schad, gud, golt unde sulver. Ock so begere ick in myneme latesten unde bidde, dat juncker Ede Wymken to Jevere, de myn leve swager unde vedder is, dat he sick yo in aller macht wil bewisen unde in aller vromicheit unde erlicheit by myner leven dochter Almet, als ick em des to belove unde betruwe. Ock so bekenne ick dat, Ede Boyngs, in myneme latesten, dat dat myn uplage unde myn upsate nywerlde was, dat salige Inne Onnen sick zetten scolde uppe zalige Erenste stenhus to Pakense, dar Tyard Onne, zalige Yne Onnen broder, my up anclagende was mit sinen scrifften in myneme notbedde der krancheit. Unde ock so bekenne dat by myner zele salicheyt in myneme noetbedde, dat ick salige Innen nywerlde scadelos lovede to holdende uppe de mede, dat he sick scolde geven uppe salige Erenstes steenhus to Pakenzen, alze Tyard Onnen my ock anclagende was mit zynen scriften, in mynem latesten, heft zalige Sirick to der Ffredeborch salige Inne Onnen wat gelovet, dat is my unwitlick unde unbekant, so warliken help my god.
Ock so bekenne ick, Ede Boyngs, dat by myner sele salicheit in myneme latesten, dat ick salige Inne Onnen gelozet hebbe ut der venckenschup van salige Haye Harldes mit CCC golden Rinsgulden. Ock so hebbe ik Ede vorbenompt gelozet Tyade Onnen twye ute der venckenschup, ens van salige juncker Olrick vor hundert golden Rinschen gulden, unde ens van salige juncker Tanne to Jeveren vor drehundert golden Rinsche gulden, wente ick, Ede Boyngs, hadde in vencknisse junge Dyden to Hochkercken, de my gelovet hadde I hochspann unde enen sconen gordel, dat ick, Ede, so gud rekende alze drehundert golden Rinschen gulden, unde dar gaff ick, Ede, altomale quit omme Tyard Onnen willen vor dussen scaden, den ick, Ede, van den beyden broder wegen namen hebbe, de sick vorlopt uppe sevenhundert golden Rinschen gulden. So scal myn leve dochter Almet unde Hicke, de myner dochter gegeven is to der ee, beholden in besittinge I husland, dat dre stige gras ys, welket husland salige Frucke, myn husvrouwe, my, Ede, geven hadde to myneme levende, unde datsulve husland is belegen in deme kerspele to Ackum, unde hefft nu in besittinge Mene Alverkes. Ock so bekenne ick, Ede, by myner zele salicheit in myneme notbedde, dat ick nicht enweet unde my nicht bekant is, uppe watte borch unde brugge salige Ynne Onnen ghedan hefft de vif [...][*] stige gold [...][*] dar Tyard Onnen my, Ede, van rorde in sinen scrifften in myner krancheit, so warliken help my god.
Ock so bekenne ick, Ede, dat by myner zele salicheit, also Tyard my ock rorde in myneme notbedde van salige Frucken smide, dat Tate, myn husfrouwe, eme dat al tomale wedder antword hefft [in mynen boken] alzo vele alze II gordel, scillen, vangelen unde bockstave und ander smide, dat was uppe salige Frucken rocke, unde dat gaff se [mit deme rocke] den susteren to Ostringevelde, dar se begraven is. Unde so hebbe ick salige Onnen dan 1 paer orringe, unde salige Frucken koye hefft entfangen ore suster Bruchte, [de nu] Rickel Widmers hefft to Ostim in Scortense kerspele.
Ock so bekenne ick, Ede Boyngs, hovetlinge tho Dichuzen, wanafftig to Gudenzen, bevele unde geve alle myne nalaten gudere, se syn bewechlick edder unbewechlick, alzo myne borch Gudenzen, werff unde huse darup, unde al myn smidewerck unde al myn arve, dat liggende is in Wangher-, Ostringe- unde Rustringenlanden, ick hebbe ick [sic!] kofft edder id sy my geven, unde allet, dat my angeeervet is van vader unde moder, dat scall hebben myn leve dochter Almet. Ock so bekenne ick, Ede, dat in myneme latesten by myner sele salicheit, dat ick al dat arve, dat unbekant was, id sy belegen in deme kerspele to Dichuzen offte in deme Weshamme offte to Mershuzen, hebbe ick betalet dem hilligen appostel sunte Jacob, hovether in der kerken to Dichuzen, uppe den alderutersten penick, alzo ick, Ede, dar aldar nenweste an richten konde myne egen consiencien unde myn arme zele. So warliken helpe my god unde zine werde benedeide moder Maria, de hillige appostel sunte Jacob, myn leve hillige patron, unde alle zyne leven hilligen uterkoren.
Ock so beghere ick, Ede, dat in myneme latesten, dat Rickolff, her Tannen dochter, genomet Houwe, de salige Ynne Wilmod dochterkint is, moge betalet werden III stenen wande in deme stenhus mit der borchstede, dat ick da angenomet hebbe mit salige Ynne Wilmedes willen mit al sulken beschede, dat ich om de III stenwanden mit der borchstede betalen scolde, dat leider nicht geschen is. Hyrumme is dat noch myn beger, dat deme kinde vorgenompt moghe dar lick vore schen na kennynghe vromer lude van beydden syden. Unde queme id dartho, dat sick dat lant belegen umme de borch vorbeterde unde gud worde, dat scal men ock betalen na kennynge vromer [lud]e, dat is myn beger. Ock so hebbe ick, Ede, mit myneme leven broder Hicken II hochspannen, dat ene steyt vor veer stige postulatsgulden, unde dat ander steit nergen vor, unde ock ve[er] gulden hantringhe und enen oerringe, dat eme sulven wal witlick is, dar id eme vor steit.
Des to ener mereren bekenntnisse unde bewisinge hebbe ick, Ede Boyngs vorbenant, myn ingesegel heten laten gehangen beneden to dussen breve, unde wy vorscreven testamentarii etc.
Ock so bekenne ick, Ede Boyngs, dat by myner sele salicheit in myneme latesten, dat ick salige Inne Onnen gelozet hebbe ut der venckenschup van salige Haye Harldes mit CCC golden Rinsgulden. Ock so hebbe ik Ede vorbenompt gelozet Tyade Onnen twye ute der venckenschup, ens van salige juncker Olrick vor hundert golden Rinschen gulden, unde ens van salige juncker Tanne to Jeveren vor drehundert golden Rinsche gulden, wente ick, Ede Boyngs, hadde in vencknisse junge Dyden to Hochkercken, de my gelovet hadde I hochspann unde enen sconen gordel, dat ick, Ede, so gud rekende alze drehundert golden Rinschen gulden, unde dar gaff ick, Ede, altomale quit omme Tyard Onnen willen vor dussen scaden, den ick, Ede, van den beyden broder wegen namen hebbe, de sick vorlopt uppe sevenhundert golden Rinschen gulden. So scal myn leve dochter Almet unde Hicke, de myner dochter gegeven is to der ee, beholden in besittinge I husland, dat dre stige gras ys, welket husland salige Frucke, myn husvrouwe, my, Ede, geven hadde to myneme levende, unde datsulve husland is belegen in deme kerspele to Ackum, unde hefft nu in besittinge Mene Alverkes. Ock so bekenne ick, Ede, by myner zele salicheit in myneme notbedde, dat ick nicht enweet unde my nicht bekant is, uppe watte borch unde brugge salige Ynne Onnen ghedan hefft de vif [...][*] stige gold [...][*] dar Tyard Onnen my, Ede, van rorde in sinen scrifften in myner krancheit, so warliken help my god.
Ock so bekenne ick, Ede, dat by myner zele salicheit, also Tyard my ock rorde in myneme notbedde van salige Frucken smide, dat Tate, myn husfrouwe, eme dat al tomale wedder antword hefft [in mynen boken] alzo vele alze II gordel, scillen, vangelen unde bockstave und ander smide, dat was uppe salige Frucken rocke, unde dat gaff se [mit deme rocke] den susteren to Ostringevelde, dar se begraven is. Unde so hebbe ick salige Onnen dan 1 paer orringe, unde salige Frucken koye hefft entfangen ore suster Bruchte, [de nu] Rickel Widmers hefft to Ostim in Scortense kerspele.
Ock so bekenne ick, Ede Boyngs, hovetlinge tho Dichuzen, wanafftig to Gudenzen, bevele unde geve alle myne nalaten gudere, se syn bewechlick edder unbewechlick, alzo myne borch Gudenzen, werff unde huse darup, unde al myn smidewerck unde al myn arve, dat liggende is in Wangher-, Ostringe- unde Rustringenlanden, ick hebbe ick [sic!] kofft edder id sy my geven, unde allet, dat my angeeervet is van vader unde moder, dat scall hebben myn leve dochter Almet. Ock so bekenne ick, Ede, dat in myneme latesten by myner sele salicheit, dat ick al dat arve, dat unbekant was, id sy belegen in deme kerspele to Dichuzen offte in deme Weshamme offte to Mershuzen, hebbe ick betalet dem hilligen appostel sunte Jacob, hovether in der kerken to Dichuzen, uppe den alderutersten penick, alzo ick, Ede, dar aldar nenweste an richten konde myne egen consiencien unde myn arme zele. So warliken helpe my god unde zine werde benedeide moder Maria, de hillige appostel sunte Jacob, myn leve hillige patron, unde alle zyne leven hilligen uterkoren.
Ock so beghere ick, Ede, dat in myneme latesten, dat Rickolff, her Tannen dochter, genomet Houwe, de salige Ynne Wilmod dochterkint is, moge betalet werden III stenen wande in deme stenhus mit der borchstede, dat ick da angenomet hebbe mit salige Ynne Wilmedes willen mit al sulken beschede, dat ich om de III stenwanden mit der borchstede betalen scolde, dat leider nicht geschen is. Hyrumme is dat noch myn beger, dat deme kinde vorgenompt moghe dar lick vore schen na kennynghe vromer lude van beydden syden. Unde queme id dartho, dat sick dat lant belegen umme de borch vorbeterde unde gud worde, dat scal men ock betalen na kennynge vromer [lud]e, dat is myn beger. Ock so hebbe ick, Ede, mit myneme leven broder Hicken II hochspannen, dat ene steyt vor veer stige postulatsgulden, unde dat ander steit nergen vor, unde ock ve[er] gulden hantringhe und enen oerringe, dat eme sulven wal witlick is, dar id eme vor steit.
Des to ener mereren bekenntnisse unde bewisinge hebbe ick, Ede Boyngs vorbenant, myn ingesegel heten laten gehangen beneden to dussen breve, unde wy vorscreven testamentarii etc.
x
| Bestand | Ostfriesisches Urkundenburch, III |
|---|---|
| Fol. Nr. | S. 149 |
| Nr | 587 |
| Olim | Or. u. Abschr. von G. Sello (1917): StA. Aurich, Rep. 1 nr. 123a, stark beschädigt. Von den anhängenden Siegeln nur Reste von drei Siegeln, darunter das des Edo Boings, erhalten. Ältere, im Text vielfach abweichende Abschr.: Schloßarchiv Gödens 025 nr. 1. |
| Jahr | 1480 |
| Datumcode | vGeorgi |