| Nummer:oub3596 | Datum:1481 | Überlieferung:Editie | Fundstelle:Ostfriesisches Urkundenburch, III, S. 152, nr. 596 |
Gründung einer Bruderschaft der Schiffer und seefahrenden Kaufleute zu Emden.
Gründung einer Bruderschaft der Schiffer und seefahrenden Kaufleute Unser lieben Frau zu Emden, die sich 1486 eine Satzung (belevinghe) gibt[*].
In den jaer ons Heren, doe men screef dusent vierhundert und LXXXI, is op genomen eene broderscap van summighe schipperen unde koepluden die toe zieewert reeden in die eere onser liever vrouwen, op welkeer die oldermans unde oeck die schaffers mit summighen broderen desser broderscap hebben, in den jaer onses Heren moccccolxxxvi, een gemene belevinghe ghemaket, die welcke oeck heft belevet den gemeenen broderen ende, susteren soe toe ewighen tyden toe holden sunder yemandes wederspreken, in desser naebeschrevener wyse.
Int eerste, dat men numment in desse broderschap sal nemen, hie sy coepman eder schipper, die tot der zieewart reeden oder zeeghelen, myt soedane bescheede, dat sie sullen gheven een punt wasses toe der broderscap ende leenen eenen golden rynschen gulden een jaerlanck.
Oeck weert sake, dat ander vroeme luden desse broderscap erghens begheerden, die sullen gheven een punt wasses unde eenen golden rynschen gulden unde nicht lenen.Voertmeer sal men desser laesten nicht meer dan IIII eens jaers in neemen, idt weer sake, dat des sulven jaers meer ut verstorven weren, doch sal men desse niet in neemen, ydt sy mit der ghemener broder wille. Dan sullen die ghemene broders unde susters procureren godes penninghe unde bringhen die den schaffers. Oeck sullen desse schaffers voerghenoemt alle maendaghe bestellen eene synghende zielmissen voer levendighen ende doden desser broderscap. Daer sal die preester nae den offertorium sick ommekieren unde begheren overluet, dat een ieghelick wil lesen een pater noster unde een Ave Maria voer leevendighen ende doden desser broderscap. Vorder sal men des sonendages voir onser liever vrouwen lichtmissen holden dat fest desser broderscap, unde die ghemene broderen und susteren sollen drincken eene tonne Hamborgher beers van onser liever vrouwen goede unde nicht meer unde des anderen daghes holden beghencnisse voer die doden, die daer ut verstorven sint, mit zielmissen unde vigilien. Dan sullen die ghemene broders unde susters komen toe der kercken des morghens toe der missen unde offeren bi eeener penen van een punt wasses. Unde alle, die dan die vigilien singhen, die sollen ytlick hebben eenen groten.
Oeck sal men die voer desser voergenoemder broderschap sterven, des anderen daghes nae erer graft beghaen mit singhende sieelmissen unde mit lechten beofferen van III punt wasses. Daer voer sullen des doden vrunden die monniken gheven eenen arensche gulden. Heft hie des nicht, soe sal ment van onser liever vrouwen guede nemen. Unde want dat offertorium gesunghen is, soe sal die preester alle, die voerstorven synt, alle by namen nomen. Weert oeck vorder sake, dat iemant, want men desse broderscap drincket, kyf makede, daer scheldewoerde eder slaghe nae volgheden, soe sullen die kivers malck een punt wasses gheven unde oeck die broderscap vorboert hebben.
Wer oeck ienich vroem man eder vrouwe, die synenverstorven vrunt wolde mede deelachtich hebben desser gueder wercken unde broderscap, die sal gheven eenen golden rynschen gulden, wil hie oeck dan den begaen hebben, soe mach hie doen, als voergescreven is.
Oeck sal hie alle iar die oldeste van den schafferen affgaen unde dienen die broderscap, unde dan sullen die ghemenen schaffers unde oldermans eenen, die daer nutte toe is, in synen stede kesen. Desse voergescreven schaffers en sal nyemant ghelt gheven, dat deser broderscap toe kumpt, et sy dat erer toe den minsten twee by malkanderen sint. Weer daer oeck wie, die binnen den ersten iaer synes inganges alle rechticheit gelyck voergeroert is, niet soe en hilde, den sullen de schaffers toe der ersten reise, als men die broderscap drincket, weder uthdoppen. Schudt deme soe nicht, soe sollen die schaffers malck een punt wasses ghebroken habben.
Het heft oeck belevet der ghemenen broderscap, dat men desse belevinghe alle iaer, als men die tonne beers drincket, sal overluet lesen. Scheghe deme soe nicht, soe sullen die schaffers voirboert hebben, als voerscreven is.
In den jaer ons Heren, doe men screef dusent vierhundert und LXXXI, is op genomen eene broderscap van summighe schipperen unde koepluden die toe zieewert reeden in die eere onser liever vrouwen, op welkeer die oldermans unde oeck die schaffers mit summighen broderen desser broderscap hebben, in den jaer onses Heren moccccolxxxvi, een gemene belevinghe ghemaket, die welcke oeck heft belevet den gemeenen broderen ende, susteren soe toe ewighen tyden toe holden sunder yemandes wederspreken, in desser naebeschrevener wyse.
Int eerste, dat men numment in desse broderschap sal nemen, hie sy coepman eder schipper, die tot der zieewart reeden oder zeeghelen, myt soedane bescheede, dat sie sullen gheven een punt wasses toe der broderscap ende leenen eenen golden rynschen gulden een jaerlanck.
Oeck weert sake, dat ander vroeme luden desse broderscap erghens begheerden, die sullen gheven een punt wasses unde eenen golden rynschen gulden unde nicht lenen.Voertmeer sal men desser laesten nicht meer dan IIII eens jaers in neemen, idt weer sake, dat des sulven jaers meer ut verstorven weren, doch sal men desse niet in neemen, ydt sy mit der ghemener broder wille. Dan sullen die ghemene broders unde susters procureren godes penninghe unde bringhen die den schaffers. Oeck sullen desse schaffers voerghenoemt alle maendaghe bestellen eene synghende zielmissen voer levendighen ende doden desser broderscap. Daer sal die preester nae den offertorium sick ommekieren unde begheren overluet, dat een ieghelick wil lesen een pater noster unde een Ave Maria voer leevendighen ende doden desser broderscap. Vorder sal men des sonendages voir onser liever vrouwen lichtmissen holden dat fest desser broderscap, unde die ghemene broderen und susteren sollen drincken eene tonne Hamborgher beers van onser liever vrouwen goede unde nicht meer unde des anderen daghes holden beghencnisse voer die doden, die daer ut verstorven sint, mit zielmissen unde vigilien. Dan sullen die ghemene broders unde susters komen toe der kercken des morghens toe der missen unde offeren bi eeener penen van een punt wasses. Unde alle, die dan die vigilien singhen, die sollen ytlick hebben eenen groten.
Oeck sal men die voer desser voergenoemder broderschap sterven, des anderen daghes nae erer graft beghaen mit singhende sieelmissen unde mit lechten beofferen van III punt wasses. Daer voer sullen des doden vrunden die monniken gheven eenen arensche gulden. Heft hie des nicht, soe sal ment van onser liever vrouwen guede nemen. Unde want dat offertorium gesunghen is, soe sal die preester alle, die voerstorven synt, alle by namen nomen. Weert oeck vorder sake, dat iemant, want men desse broderscap drincket, kyf makede, daer scheldewoerde eder slaghe nae volgheden, soe sullen die kivers malck een punt wasses gheven unde oeck die broderscap vorboert hebben.
Wer oeck ienich vroem man eder vrouwe, die synenverstorven vrunt wolde mede deelachtich hebben desser gueder wercken unde broderscap, die sal gheven eenen golden rynschen gulden, wil hie oeck dan den begaen hebben, soe mach hie doen, als voergescreven is.
Oeck sal hie alle iar die oldeste van den schafferen affgaen unde dienen die broderscap, unde dan sullen die ghemenen schaffers unde oldermans eenen, die daer nutte toe is, in synen stede kesen. Desse voergescreven schaffers en sal nyemant ghelt gheven, dat deser broderscap toe kumpt, et sy dat erer toe den minsten twee by malkanderen sint. Weer daer oeck wie, die binnen den ersten iaer synes inganges alle rechticheit gelyck voergeroert is, niet soe en hilde, den sullen de schaffers toe der ersten reise, als men die broderscap drincket, weder uthdoppen. Schudt deme soe nicht, soe sollen die schaffers malck een punt wasses ghebroken habben.
Het heft oeck belevet der ghemenen broderscap, dat men desse belevinghe alle iaer, als men die tonne beers drincket, sal overluet lesen. Scheghe deme soe nicht, soe sullen die schaffers voirboert hebben, als voerscreven is.
