| Nummer:par047 | Datum:1 juli 1412 | Überlieferung:Origineel | Fundstelle:Arch. Parochiekerken, inv.nr. 0250, reg. 047 |
Burgemeesteren en Raad in Groninghen oorkonden, dat Godeken Bake en Wobbeke echtel. voor hen verklaarden in eeuwige huur te ontvangen te hebben van Ludolff Sickinghe, Harman van der Hanzouwe en Johan Groven een huis met hofstede aan de Oostzijde van 'Herderingkcstrate'tegen een jaarlijksche huur van 60 Vlaamsche Grooten, waarvan Ludolff, Harman, en Johan resp. 15, 15 en 30 Grooten zullen ontvangen, met vaststelling van het recht van naamkoop aan verhuurders, en bepalingen omtrent afkoop der huur.
Wy Borghermestere ende Raed in Gronighen (sic) bekennen ende betughen met dessen openen breve dat voer ons is
ghecomen Godeken Bake ende Wobbeke siin wiif ende becanden dat se hadden ghehuerd voer hoer ende voer hoere
erfghenamen een hoefstede mitten huze dat daer uppe staet tot ewigher hure theghens Ludulff Sicking. Harman
vander Hanzouwe ende. Johan Groven Elleken man des jairs voer sestich guede flamesche grote de nu ter tiid rince
grote gheheten sint of payment dat daer gued voer is up onser stad koere jarlix to betalen als onse stadrecht is van
desse voerscr. sestich flamesche grote sal Ludulff voerscr. of zyne erfgenamen jaerlix hebban ende boron viityen
flamesche grote. Harman voerscr. of zyne erfgenamen ock viif tyen flamesche grote Ende Johan voerscr. of zyne
erfgenamen sullen jaerlix boeren dertich flameske grote of payment daer daer (sic) voer als voerscr. is. Voerdmeer
inwat tyden dat Godeken of Wobbeke voerscr. of hore erfnamen ende nacomelinghen dit voerscr. hues ende
hoefstede vercoften unde verteghen so moghen Ludulff of Harman of Johan voerscr. ende hoere erfnamen ende
nacomelinghen de naeste daer to wezen of ze willen voer dat gheld daer dat hues ende hofstede voer vercoft is. Hiir
is mede to ghesegt dat Godeken ende Wobbeken voerscr. moghen desse sestich flamesche groto hure of Rente quiit
kopen de wyle dat ze beyde leven al effensche elc siin deel ende Johans voerscr. deel to tween tyden up Santghinge
avend jof up paeschavend wanneer ze willen alken flamesche groten mit twintich flameschen groten de rince grote
gheheten zint of payment daer voer ale voerscr. is. Desse voerscr. hofstede mitten huze is gheleg leghen ande
oesterzyde van Herderinghe strate daer Johan Sicking erve dat he van Greten Verhouwens vermids Ghyselen zynen
wive de god ghenadich zie mit zynen kinderen beseten heft up de zuet zyde bileghet Ende Johan Tedens ende
Femmens erfgenamen erve up de noer zide (sic) bileghet. Desse hofstede sal wezen also breed mit hoeren to
behoeren ont oeste ende also se nu int weste betymmerd is Dat orcunde wy mit onser stad zeghele. Ghegeven inden
jaere onses heren dusend vierhundert ende twaleve up onser liever vrouwen avend visitatio Doe Jarich Goppiins
soen. Renold Hughing. Everd Wicboldes ende Ludulff Sicking Borghermestere waren onser stad.
DORSO: Dat Olde Convent (doorgehaald).
ghecomen Godeken Bake ende Wobbeke siin wiif ende becanden dat se hadden ghehuerd voer hoer ende voer hoere
erfghenamen een hoefstede mitten huze dat daer uppe staet tot ewigher hure theghens Ludulff Sicking. Harman
vander Hanzouwe ende. Johan Groven Elleken man des jairs voer sestich guede flamesche grote de nu ter tiid rince
grote gheheten sint of payment dat daer gued voer is up onser stad koere jarlix to betalen als onse stadrecht is van
desse voerscr. sestich flamesche grote sal Ludulff voerscr. of zyne erfgenamen jaerlix hebban ende boron viityen
flamesche grote. Harman voerscr. of zyne erfgenamen ock viif tyen flamesche grote Ende Johan voerscr. of zyne
erfgenamen sullen jaerlix boeren dertich flameske grote of payment daer daer (sic) voer als voerscr. is. Voerdmeer
inwat tyden dat Godeken of Wobbeke voerscr. of hore erfnamen ende nacomelinghen dit voerscr. hues ende
hoefstede vercoften unde verteghen so moghen Ludulff of Harman of Johan voerscr. ende hoere erfnamen ende
nacomelinghen de naeste daer to wezen of ze willen voer dat gheld daer dat hues ende hofstede voer vercoft is. Hiir
is mede to ghesegt dat Godeken ende Wobbeken voerscr. moghen desse sestich flamesche groto hure of Rente quiit
kopen de wyle dat ze beyde leven al effensche elc siin deel ende Johans voerscr. deel to tween tyden up Santghinge
avend jof up paeschavend wanneer ze willen alken flamesche groten mit twintich flameschen groten de rince grote
gheheten zint of payment daer voer ale voerscr. is. Desse voerscr. hofstede mitten huze is gheleg leghen ande
oesterzyde van Herderinghe strate daer Johan Sicking erve dat he van Greten Verhouwens vermids Ghyselen zynen
wive de god ghenadich zie mit zynen kinderen beseten heft up de zuet zyde bileghet Ende Johan Tedens ende
Femmens erfgenamen erve up de noer zide (sic) bileghet. Desse hofstede sal wezen also breed mit hoeren to
behoeren ont oeste ende also se nu int weste betymmerd is Dat orcunde wy mit onser stad zeghele. Ghegeven inden
jaere onses heren dusend vierhundert ende twaleve up onser liever vrouwen avend visitatio Doe Jarich Goppiins
soen. Renold Hughing. Everd Wicboldes ende Ludulff Sicking Borghermestere waren onser stad.
DORSO: Dat Olde Convent (doorgehaald).
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0250 |
| Regestnr. | 047 |
| Register Feith | 1412.003.1 |
| Jahr | 1412 |
| Datumcode | vVisMar |