Burgemeesteren en Raad in Groningen verklaren, met toestemming der gezworene meente in eeuwige huur overgedragen te hebben aan Albert Dirckiszone een hofstede, gelegen bij de stadsmuur aan de zuidzijde van den toren achter de scholen in het Oosten van St.Maartenskerkhof, tegen een jaarlijksche huur van een gulden, met bepaling over de betimmering van dat erf.

Wij borgermeistere ende Raed in Groningen bekennen ende tughen mit dessen openen breve dat wy by raede en de
consente onser ghezworen meente hebben verhuert ende uut ghedaen Alberte Dirkis zone ende zinen erffgenamen
ene hofstede tot ewiger hure de ghelegen is an onser Stadmure op der zuder syt vanden toirne die achter der
Schoelen steyt int oesten van sunte Martens kerchoff ende strecket zich zudewert an Ghezeke smedes hues vanden
voirscr. toirn to meten ende voir desse hofstede sall Albert voirscr. ende zine erffgenamen gheven dess jaers enen
gulden tot onser stad behoeff paymentis als in Groningen gangk ende ghave is to betalen jaerlikes als eyn Stadrecht
is Mit voirwarden is hyr toe ghesproken dat Albert voirscr. off zine erffgenamen wanneer zy de voirscr. hofstede
betymmeren dat zy moghen de sparren setten op der Stad muren voirscr. ende tymmeren westwert uut toeder straten
ghelike den Toirn voirscr. Dat oirkunde wy mit onser Stad zegele Ghegeven inden jaer onss heren dusent
vierhundert seven ende twintich des wondsdaghes na sunte Scolastiken daghe Do Reynolt Hughinge. Bruyn Klinge,
Henric ter Bruggen en Ditmar Rengers, Borgermeistere weren onser stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0512
Regestnr.	059
Register Feith	1427.005
Jahr	1427
Datumcode	EpSchola

x

x

x

x

Material	perkament