Burgemeesteren en Raad in Groningen oorkonden, dat Willem Hopenbinder voor hen verklaarde verkocht en overgedragen te hebben aan Jutte, de vrouw van Jacob Mathias, een jaarlijksche rente van 3 Arnhemsche gulden, te beuren uit zijn steenhuis en hofstede met toebehooren, gelegen ten noerden bij der Ae, met bepaling omtrent wederinkoop dezer rente.

Wy Borghermeistere ende Raed in Groningen bekennen ende tughen mit desen openen breve dat voer ons is ghe
komen Willem hopenbinder ende bekande voer em ende syn erffgenamen dat hie hefft vercofft droech op ende gaff
over Jutten Jacob Mathias echte wijff ende oren erffgenamen drie Arnhemsche gulden renthe vijfftien Groninger
krumsterte voer datum des breeffs ghemuntet off payment dat daer guet voer is voer elken gulden gherekent vrij
ende quijt mit allen rechte ende eghendome erffliken ende eweliken jaerlix to boren als stadrecht is uut syn
steenhuse ende hoff stede mit all oren tobehoren ghelegen ten noerden by der Ae daer jonge Clawes hues naest licht
in de noert syde ende Ghebbeken Everdes hues op de zuet syde voer een summe gheldes de Willem voerscr.
bekande dat em vul ende all betaelt is. Hijr is to ghesproken dat Willem voerscr. off syn erffgenamen dese drie
Arnhemsen gulden renthe voerscr. altoes moghen quijt ende aff kopen to paesschen off to zantgange wanneer em
ghenoghet mit vyftich Arnhemsen gulden voerscr. off payment daer voer als voerscr. is. Dat orkunde wy mit onser
stad seghele. Ghegeven inden jaer onss heren dusent vierhondert neghen ende dertich op sunte Marcus dach
ewangelisten doe Lubbert Lewe, Otto Clant, Henrick Kater ende Henrick Baroldes borghermeistere weren onser
stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0257
Regestnr.	083
Register Feith	1439.005.1
Jahr	1439
Datumcode	Marci

x

x

x

Material	perkament