Burgemeesteren en Raad in Groningen oorkonden, dat Ludeken Rolteman, Alerd Koningkc, Johan van Banlo en Hillebrand Brand, voogden van Sunte Mertenskerk, en Claves Wolters, Henrick Meynke, Sijger Bonsche en Henrick Witte, voogden van Sunte Wolburgckerk voor hen verklaarden, met toestemming van mr. Johannes Jacobi cureet en Heer Johan Hiddingc vicecureet van Sunte Mertenskerkc voor hen verklaarde verkocht en overgedragen te hebben aan Johan van Myren het steenhuis met hofstede en toebehooren, gelegen aan de Noordzijde van de Merkede, waarvan de brief spreekt, waardoor deze brief getransfigeerd is, onder voorbehoud van een jaarlijksche rente van 20 gulden, ten behoeve van genoemde kerken, met bepaling omtrent 't gebruik van een gang en omtrent inkoop dezer rente.

Wy borgermestere ende raet in Groningen betugen mit dessen openen breve dat voer ons synt ghekomen Ludeken
Rolteman Alerd Koning, Johan van Banlo ende Hillebrand Brand voghede tot sunte Mertens kercke in onser stad
Clawes Wolters. Henrick Meynke Syger Bonsche ende Henrick Luitke voghede tot sunte Wolburge kercke
samentlike by consente heren mester Johannes Jacobi cureet ende her Johans Hiddinge vicecureet tot sunte Mertens
kercke bekennende dat sie hebben vorcofft, drogen op ende gaven over voer Em ende oere nakomende voghede
ende vander vors. kerken wegen Johanne van Myren ende sinen erffgenamen een steenhuus achter ende voer mitter
hoffsteden mit allen sinen tobehoeren mitten gange vanden huse totter schuren ende mitter schuren mitter hofsteden
mit oeren tobehoeren mitter medebrukinge des ganges daer de breeff van inholt daer dense breeff doer ghetogen is
vry ende quiit eweliken ende erffliken mit allen rechte ende eghendome to bruken ende to besitten to waren ende to
leveren voer alle assprake voor Em to verantworden voer alle recht voer ene summe gheldes de de vors. voghede
bekanden dat Em vol ende al is betaelt totter vors. kercken behoeff Beholden dessen vors. vogheden totter kercken
behoef in dessen vors. huse ende hoffstede mit sinen tobehoeren twintich gulden jaerliker eweliker ende erffliker
renten soventeyn buttekens offte payment dat daer guet voer is voer Elken gulden gherekent Ende dessen rente
mach Johan van Myren ende sine erffgenamen aff ende quiit copen wanneer sie willen elke viiff gulden rente mit
hondert gulden vors. payments Dat vors. heus is ghelegen opde norder siit vanden Merkede daer Heyne van m
Myren erffgenamen steenhuus byleget opde oester siit ende Elseke Bernardus huus op de wester siit sunder argelist.
Dat orkonde wy mit onser stad seghel Ende omme de merre vestnisse wille hebbe Ic Johannes Jacobi cureet vorgen.
myn segel hiir mede anghehangen. Ghegeven inden jaere ons heren dusent veerhundert sessendeveertich op sunte
Bonifacius dach do Lubbert Lewe, Folker Maurissinge, Ludeken Everd Wigboldes soon ende Everd
Wigboldes borgermestere weren onsen stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0122
Regestnr.	110
Register Feith	1446.006.1
Jahr	1446
Datumcode	Bonifa

x

x

x

Material	perkament