Burgemeesteren en Raad in Groningen oorkonden, dat de voogden van St.Mertenskerk voor hen verklaarden verhuurd te hebben voor den tijd van 50 jaar aan Wymolt Egberss een stuk land buten Herstrate poerte, aan de Oostzijde van de straat tegen een jaarlijksche huur van 9 gulden, te betalen op Vrijmarket, met nadere bepalingen aangaande de door de huurders op dit erf te plaatsen opstal.

Wy borgermestere ende Raed in Groningen betugen myt dessen openen breve dat voer ons sint gekomen de
vogeden inder tyt van sunte Mertens kercke in onser stad ende bekanden voer em ende oere nakomelingen vogeden
dat sie hebben verhuert Wynolt Egberssoen ende sinen erffgenamen Een stucke landes gelegen buten
Herstratepoerte ande oester zyd vander straten daer des hillegen geests land naest by licht andie zuuder zyd ende
Henric Schulting up de norder zyd ende strecket oestwert in Johan Schinckels Erve vry ende quyt to bruken ende to
besitten vijfftich jaerlang na datum dessen breves naestkomende des jaers voer negen gulden vyff onser stad jaghers
offte teyn onser stad vlegers voer datum dessen breves gemuntet offte payment dat dair guet voer is voer elken
gulden gerekent jaerlix to betalen toe Vrymarket Myt vorwerden was boemen ende poeten tendes den vors. jaer.
malen up den lande staen sullen daer up staende bliven Mer de huusingen de daer dan up staen sullen de vogeden
alsdan betalen tot oere tweer manne seggen Inden sie dan niet voert myt den jaermalen over een en mogen tendes
den vors. jaermalen sunder argelist. Dat Orkonde wy myt onser stad secreet Ghegeven inden jair ons heren dusent
vierhundert sessende tsestich up sunte Valentius Avent.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0077
Regestnr.	218
Register Feith	1466.020
Jahr	1466
Datumcode	vValeni

x

x

x

Material	perkament