Burgemeesteren en Raad in Groningen oorkonden, dat Ghebbe weduwe van Wygher van Uuthuusen voor hen verklaarde 'voer enen ewigen testamente'overgedragen te hebben aan de voogden van Sunte Mertenskerk, de jaarlijksche rente waarvan de brief spreekt, waardoor deze brief is getransfigeerd, met last hiermee na Gebbe's dood haar en haar man jaarlijks te begaan met een klein pond was, en daarbij de was hun vrienden thuis te zenden.

Wy borgermestere ende Raed in Groningen betugen myt dessen openen breve dat voer ons is gekomen Ghebbe
salige Wyggers wedewe van Uuthuusen ende bekande voer oer ende oere erffgenamen dat sie hevet gegeven droech
up ende gaff over den vogeden van sunte Mertens kercke in onser stad tot behoeff der kercken vors. die vier gulden
jaerliker ende erffliker renten daer de breeff van spreket dair desse breeff doer getogen is vry ende quyt in allen
manieren to boren to bruken ende to besitten alse de selve breeff dair aff inholdet ende uutwyset voor enen ewygen
testaments myt vorwerden sullen de vogeden vorgen. tot ewygen dagen als Gebbe vors. doet is Gebben ende
Wyggher vorgen. elk myt enen cleynen ponde wasses vander vors. rente inden vors. kercke laten begaen jaerlix
inden weke na sunte Peter ende Pauwelsdage ende zenden oeren vrenden dat was to huus. Ende offte desse vors.
rente tot enigen tyden gelosset aff ende quyt gekofft worde so salmen dat gelt altyt weder beleggen up rente tot
ewigen dagen sunder argelist. Dat Orkonde wy myt onsen stad zegell Ghegeven inden jair ons heren dusent
vierhundert achtendetsestich up sunte Ponciens Avent doe Henric Baroldes, Johan Potter, Gosen van Dulk ende
Diric Scaffer borgermestere waeren onsen stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0039
Regestnr.	229
Register Feith	1452.003.2
Jahr	1468
Datumcode	vPontia

x

x

Material	perkament