| Nummer:par286 | Datum:19 dec. 1476 | Überlieferung:Origineel | Fundstelle:Arch. Parochiekerken, inv.nr. 0351, reg. 286 |
Johan Hornyken verklaart verkocht en overgedragen te hebben - onder bereidverklaring hiervan de stoklegging te doen - aan heer Matheus, vicarius en kapellaan te Sunte Merten 16 1/2 grazen land, te Myddelbert 'naest der voghede lande'gelegen, met last hiermee hem en eenige andere met name genoemde personen elk met een klein pond was te Myddelbert te begaan, en de priesters aldaar bij elke mis een stuiver uit te keeren, en voorts om na zijn dood 30 zielmissen en vigilien te houden, en zijn jaartijd ook in de St.Mertenkerk met een klein pond was te laten begaan, en elken priester aldaar of in de St. Wolburge kerk op zijn jaartijd de mis opdragende een halve braspenning uit te keeren.
Ick Johan Hornyken bekenne openbaer in dessen breve dat ick hebbe vorkofft draghe up ende gheve over her
Matheus vicarius Ende Cappellan to sunte Merten in Gronynghen seventeynde halff grase landes tho Myddelbert
dat naest der voghede lande geleghen is vor ene summe geldes de my vul ende all is betaelt Ende love em vor my
ende myne erffgenamen daer stock legynghe van to done na lant Rechte wan eer he des is begerende.
Des sal her Matheus vorscr. ende synen nakomelynghe prestere my Johan Hornyken vorscr. mynen vader ende
moder Ende myn selyghen huusfrouwen ende alle de ghene daer it van gekomen is Eens des jaers begaen tho
Myddelbert myd een cleyn punt wasses Ende so mannighe mysse als daer dan schut soe mannigen stuver den
presters daar tho gheven up de rechte jaertijt. Ende als ick gestorven byn so sal her Matheus off syne nakomelynghe
presters my nae lesen off laten lesen XXX zelemyssen ende XXX vigilien Ende sal my ook laten begaen up myne
jaertijt to sunte Merten myt een cleyn punt wasses Ende gheven dan enen juweliken prester de to sunte Merten ende
to sunte Wolberge mysse doen up myne jaertyt vorscr. enen halven braspennynck In orkunde der waerhey so hebbe
ick Johan Hoernyken vorscr. myn seghel beneden an dessen breff gehanghen Ende umme de merer vestnysse
willen ende Betuchnisse der waerheyt soe hebbe ick Johan vorscr. gebeden den Ersamen Jacob Grovens Borgar in
Gronyngen dessen breff over my tho beseghelene Dat ick Jacob Grovens vorscr. umme bede willen Johans vorscr.
gerne gedaen hebbe Begheven ende gescreven in den jaer uns heren M CCCC LX VI des donderdaghes vor sunte
Thomas daghe des hilligen Apostels.
Matheus vicarius Ende Cappellan to sunte Merten in Gronynghen seventeynde halff grase landes tho Myddelbert
dat naest der voghede lande geleghen is vor ene summe geldes de my vul ende all is betaelt Ende love em vor my
ende myne erffgenamen daer stock legynghe van to done na lant Rechte wan eer he des is begerende.
Des sal her Matheus vorscr. ende synen nakomelynghe prestere my Johan Hornyken vorscr. mynen vader ende
moder Ende myn selyghen huusfrouwen ende alle de ghene daer it van gekomen is Eens des jaers begaen tho
Myddelbert myd een cleyn punt wasses Ende so mannighe mysse als daer dan schut soe mannigen stuver den
presters daar tho gheven up de rechte jaertijt. Ende als ick gestorven byn so sal her Matheus off syne nakomelynghe
presters my nae lesen off laten lesen XXX zelemyssen ende XXX vigilien Ende sal my ook laten begaen up myne
jaertijt to sunte Merten myt een cleyn punt wasses Ende gheven dan enen juweliken prester de to sunte Merten ende
to sunte Wolberge mysse doen up myne jaertyt vorscr. enen halven braspennynck In orkunde der waerhey so hebbe
ick Johan Hoernyken vorscr. myn seghel beneden an dessen breff gehanghen Ende umme de merer vestnysse
willen ende Betuchnisse der waerheyt soe hebbe ick Johan vorscr. gebeden den Ersamen Jacob Grovens Borgar in
Gronyngen dessen breff over my tho beseghelene Dat ick Jacob Grovens vorscr. umme bede willen Johans vorscr.
gerne gedaen hebbe Begheven ende gescreven in den jaer uns heren M CCCC LX VI des donderdaghes vor sunte
Thomas daghe des hilligen Apostels.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0351 |
| Regestnr. | 286 |
| Register Feith | 1476.017 |
| Jahr | 1476 |
| Datumcode | JaThome |