Burgemeesteren en Raad in Groningen oorkonden, dat Lambert Hollander voor hen verklaarde verkocht en overgedragen te hebben aan zijn zwager Henric Berenss. het door dezen betimmerde erf met toebehooren, gelegen te Vierhuusen, met alle lasten die het huis bezwaren, met de bepalingen, dat verkoopers en zijne echtgenoote het thans door hen bewoonde huis tegen halve huur, tot hun dood toe, zullen mogen blijven bewonen.

Wy borgermestere ende Raed in Groningen betugen myt dessen openen breve dat voer ons sint gekomen
Lambert Hollander ende bekande voer em ende sine erffgenamen dat hie hevet verkofft upgedragen ende
overgegeven Henric Berenssoen sinen zwager ende sinen erffgenamen dat Erve .. achter ende voer myt alle sinen
tobehoren daer Henric vors. nu ter tyt selven betymmert hefft gelegen to Vierhuusen daer Roleff
van Barssens erve up ende uut naest by licht ande oesterzyd ende meyster Menoldes huursingen ende
erve ande westerzyd streckende zuutwert ende nortwert ande straten vry ende quyt Erffliken ende
ewliken to bruken ende to besitten voer ene summe geldes die Lambert vorscr. bekande dat em vul
ende al is betaelt beholden inden vors. Erve enen yewliken sodane renten als men myt rechte
offte breven bewysen mach. Ende beholden Lambert vorscr. ende Ave syn huusfrouwe dat huur daer
sie nu ter tyt ynne wonen oer leventlang to bruken ende niet langer up de halve rente So to verstaen dattet huus
vorscr. na oere beyder doet weder sal komen up Henricke vorscr. offte up sinen erffgenamen
sunder argelist. Dat Orkonde wy myt onser stad zegell. Ghegeven inden jaer ons heren dusent vierhundert
sovenendetsovontich up sunte Mertens avent translacionis Doe Gosen van Dulk, Johan Tedema, Alert Clant
ende Gharmet Allema borgermestere waeren onser stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0121
Regestnr.	289
Register Feith	1477.009
Jahr	1477
Datumcode	vMartin

x

x

x

Material	perkament