Burgemeesteren en Raad in Groningen oorkonden, dat olde Ghese, weduwe van Henrick van Ummen, voor hen verklaarde overgedragen te hebben aan de voogden van Sunte Merten, al hare roerende goederen en al haar - nader aangeduide - schuldvorderingen, die zij op jonge Gese van Ummen, de weduwe van haar zoon Johan, heeft.

Wy borgermestere end Raed in Groningen betugen myt dessen openen breve dat voer ons is gekomen Olde Ghese
van Ummen Henricks wedewe ende bekande voer oer ende oere erffgenamen dat sie hevet gegeven droech up
ende gaff over den vogeden van sunte Merten bynnen onser stad tot behoeff der kercken vors. sodane ansprake
ende gelt in to manen ende up to boren myt allen rechte offte myt vrentscappen van Junge Gesen van Ummen
saligen Johans oers zoens wedewe Inden eersten hundert Coepmans rinssen gulden de salige Johan vors. ontfangen
solde hebben van syns vader wegen to Swolle Item bet twehundert arnemsen gulden ende vyff postulaten gulden de
sie van Johan Myrens kinderen geboert solden hebben daer de rente mede gelosset wort uut Johan van Myrens
cleyne huus byden Markede. Item tweendedertich Davidis rinssen gulden twe nobelen twe wylhelmus schilden twe
reynaldus gulden twe blawe gulden ende een leve de olde Gese vors. secht dat sie saligen Johan ende Gesen vors.
gedaen hefft ende all oer tilbar gued ende anders wes sie up oer to spreken hefft quitancien de vogeden vors. daer
van to geven ende anders in to doende ende te laten als olde Gese doen solde offte mochte sunder argelist
Dat Orkonde wy myt onser stad secreet Ghegeven inden jaer ons heren dusent vierhundert eenendetachtentich
up sunte Ponciens avent.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0051
Regestnr.	313
Register Feith	1481.018
Jahr	1481
Datumcode	vPontia

x

x

x

Material	perkament