| Nummer:par318 | Datum:30 april 1481 | Überlieferung:Origineel | Fundstelle:Arch. Parochiekerken, inv.nr. 0185, reg. 318 |
Burgemeesteren en Raad in Groningen oorkonden, dat Egbert Hugingc voor hen verklaarde 'voor enen ewygen testamente'gegeven en overgedragen te hebben aan voogden van O.L.V. kerk ter Ae de jaarlijksche rente, waarvan de brief spreekt, waardoor deze brief getransfigeerd is, die van 1 1/2 gulden naar een stedelijke oorkonde d.d. 1413 Februari 10 te beuren uit een huis, hofstede met toebehooren aan de noordzijde van de Krumme Yate, en die van 23 penningen naar een stedelijke oorkonde d.d. 1414 November 24 uit hetzelfde huis en erf te beuren.
Wy borgermestere ende Raed in Groningen betugen myt dessen openen breve dat voer ons is gekomen Egbert
Huginge ende bekande voer em ende sine erffgenamen dat hie hevet gegeven droech up ende gaff over omme
godes wyllen den vogeden van onser liever vrouwen kercke ter Ae in onser stad tot behoeff der kercken vorscr.
den gulden renthe derteyn olde vleemsche grote voer den gulden gerekent daer de breeff van spreket daer desse
breeff doer getogen is Erffliken ende ewliken toe boren to bruken ende to besitten in allen manieren als de selve
breeff daer aff inholdet ende uutwyset Item bet Anderhalven gulden jaerliker ende ewliker renten derteyn korte
grote voer den gulden gherekent jaerlix to boren alze stadrecht is uut salige Wyllem Clats steenhuus mytter
hofsteden ende sinen tobehoren gelegen inde norderzyd inden Krumme Yate daer Jacop Thomezes erffgenamen
steenhues naest by licht ande oester zyd de Egbert vorscr. uut den vorscr. huuse ende hofstede hevet alze wy in
bezegelde stad breven gesien hebben daer aff de datum des principalbreves holt dusent vierhundert ende derteyne
up sunte Scholastiken dach welken huus vorscr. doe ter tijt to behoerde Menolt Sywens als de selve breeff inholt.
Item bet dreendetwintich penningen renten uut den selven huuse ende hofstede inden Krummen Yate jaerlix to
boren alze stad recht is daer aff de datum des principaelbreves holt dusent vierhundert ende vierteyne up sunte
Katerinen avent vry ende quyt to boren to bruken ende to besitten als vorscr. is voer enen ewygen testamente tot
behoeff der kercken vorscr. ende byden kercken to bliven Also offte de vogeden vorscr. der kercken de tot ewigen
tyden verkofften so mogen Egbert voerscr. offte sine erffgenamenn de weder nemen ende geven de up een ander
stede inde ere godes sunder argelist. Dat Orkonde wy myt onser stad zegel Ghegeven inden jaer ons heren dusent
vierhundert eenendetachtentich up mey Avent doe Gosen van Dulk, Johan Tedema, Gharmet Allema ende Gheert
Lewe borgermestere waeren onser stad.
Huginge ende bekande voer em ende sine erffgenamen dat hie hevet gegeven droech up ende gaff over omme
godes wyllen den vogeden van onser liever vrouwen kercke ter Ae in onser stad tot behoeff der kercken vorscr.
den gulden renthe derteyn olde vleemsche grote voer den gulden gerekent daer de breeff van spreket daer desse
breeff doer getogen is Erffliken ende ewliken toe boren to bruken ende to besitten in allen manieren als de selve
breeff daer aff inholdet ende uutwyset Item bet Anderhalven gulden jaerliker ende ewliker renten derteyn korte
grote voer den gulden gherekent jaerlix to boren alze stadrecht is uut salige Wyllem Clats steenhuus mytter
hofsteden ende sinen tobehoren gelegen inde norderzyd inden Krumme Yate daer Jacop Thomezes erffgenamen
steenhues naest by licht ande oester zyd de Egbert vorscr. uut den vorscr. huuse ende hofstede hevet alze wy in
bezegelde stad breven gesien hebben daer aff de datum des principalbreves holt dusent vierhundert ende derteyne
up sunte Scholastiken dach welken huus vorscr. doe ter tijt to behoerde Menolt Sywens als de selve breeff inholt.
Item bet dreendetwintich penningen renten uut den selven huuse ende hofstede inden Krummen Yate jaerlix to
boren alze stad recht is daer aff de datum des principaelbreves holt dusent vierhundert ende vierteyne up sunte
Katerinen avent vry ende quyt to boren to bruken ende to besitten als vorscr. is voer enen ewygen testamente tot
behoeff der kercken vorscr. ende byden kercken to bliven Also offte de vogeden vorscr. der kercken de tot ewigen
tyden verkofften so mogen Egbert voerscr. offte sine erffgenamenn de weder nemen ende geven de up een ander
stede inde ere godes sunder argelist. Dat Orkonde wy myt onser stad zegel Ghegeven inden jaer ons heren dusent
vierhundert eenendetachtentich up mey Avent doe Gosen van Dulk, Johan Tedema, Gharmet Allema ende Gheert
Lewe borgermestere waeren onser stad.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0185 |
| Regestnr. | 318 |
| Register Feith | 1430.001.2 |
| Jahr | 1481 |
| Datumcode | vMei |