Burgemeesteren en Raad in Groningen oorkonden, dat de voogden van O.L.V. kerk ter Ae voor hen verklaarden, dat Griete, weduwe van Egbert Kystemaker een jaarlijksche rente van 3 1/2 gulden en een halve oort op de rente, waarvan de brieven, waardoor deze brief getransfigeerd is, spreken, ingekocht heeft.

Wy borgermestere ende Raed in Groningen betugen myt dessen openen breve dat voer ons sint gekomen de
vogeden inder tijt van onsen liever vrouwen kercke ter Ae in onser stad ende bekanden voer em ende oere
nakomelingen vogeden dit Griete salige Egbert kystemakers wedewe hevet aff vry ende quyt gekofft voer oer ende
oere erffgenamen vierdehalff gulden ende enen halven oert guldens rente van de renten daer de breven van spreken
daer Desse breeff doer getogen is vry ende quyt Ewliken ende erffliken voer ene summe geldes de die vogeden
vorscr. bekanden dat em vull ende all tot behoeff der kercken vorscr. is betaelt voert bekanden de vogeden vorscr.
voer em ende ocre na komelingen vogeden dattet mede in vrentscappen is gededinget dat Griete vorscr. offte oere
erffgenamen de negen gulden rente de die kercke ter Ae vorscr. vander vorgen. renten noch beholdet inden huuse
ende hofstede daer de breven van spreken daer desse breeff doer getogen is mogen aff vry ende quyt tot allen
paeschen offte zandgangen wanneer em des genoget myt Anderhalff hundert gulden vorscr. payments ende mytter
vuller rente sunder argelist Dat Orkonde wy myt onser stad zegel Ghegeven inden jaer ons heren dusent vierhundert
tweendetachtentich up sunte Valentinus dach Doe Johan Tedema, Gharmet Alleman, Gheert Lewe ende Berent
Horneken borgermestere waeren onser stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0179
Regestnr.	323
Register Feith	1472.007.3
Jahr	1482
Datumcode	Valent

x

x

Material	perkament