Burgemeesteren en Raad in Groningen oorkonden, dat Johan Tedema voor hen verklaarde verkocht en overgedragen te hebben aan zijn dochter Abele Syersma de jaarlijksche rente waarvan de brief spreekt, waardoor deze brief getransfigeerd is, en dat gezegde Abele verklaarde deze rente over te dragen aan de voogden van Sunte Wolberge kerk in ruil voor de renten, die genoemde voogden haar overgedragen hadden.

Wy borgermestere ende Raed in Groningen betugen myt dessen openen breve dat voer ons is gekomen Johan
Tedema ende bekande voer em ende sine erffgenamen dat hie hevet verkofft upgedragen ende overgegeven Abelen
Syersma synre dochter ende oeren erffgenamen de vyff gulden erffliker renten daer de breeff van spreket daer desse
breeff doer getogen is. vry ende quyt in allen manieren to boren, to bruken ende to besitten alze de selve breeff daer
aff inholdet ende uutwyset voer ene summe geldes de Johan vors. bekande dat em vull ende all is betaelt, voert
bekande voer ons Abele vorgen. dat sie voer oer ende oere erffgenamen in enen wyssel hevet upgedragen ende
overgegeven de vogeden van sunte Wolberge kercke in onser stad tot behoeff der kercken vors. de selve vyff
gulden rente vorgen. erffliken in allen manieren to boren to broken ende to besitten als deselve brieff, daer desse
doer getogen is als vors. is daer aff inholdet ende uutwyset voer sodane ander rente, als de vogeden vorgen. Abelen
vors. daer weder voer upgedragen ende overgegeven hebben erffliken vry ende quyt sunder argelist. Dat orkonde
wy myt onser stad zegel Ghegeven inden jaer ons heren dusent vierhundert vyffendetachtentich des dinxdages na
sunte Johans dage decollacionis doe Gharmet Allema, Menric Reberch, Coppyn Jarges ende Bernt Horneken
borgermestere wraeren onser stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0013
Regestnr.	349
Register Feith	1463.011.2
Jahr	1485
Datumcode	MpDecJoh

x

x

Material	perkament