Burgemeesteren en Raad in Groningen oorkonden dat Meijne Scaffers, Lamke, met toestemming van haar echtgenoot mr. Clauwes van Ballen, Hille Onsta, Jarch Jerges, haar broeder, voor hen verklaarden overgedragen te hebben 'voir enen ewygen testamente'aan gemeene priesters der St. Meerten en St. Wolburgens Kerk de helft van een stuk land, gelegen 'in des conventes ende susteren landt ten Horen'haar aangeerfd van haar 'neve' Barolt Jerges, met last uit inkomsten hiervan tot 'een ewygen memorie ore sielen salicheijt ende saligen Ludeken, ons broeders, Heylen Sijnre huusfrouwen ende Barolt Yerges voirgen'' jaarlijks de 3 laatstgenoemde personen in de St. Meertenskerk elk met een klein pond was, vigilien en zielmissen op nader aangeduide termijnen te begaan, terwijl zij het overblijvende onderling zullen verdeelen tot koorpenningen.

Wy Borgermestere ende Raedt in Gronynghen betugen mit dessen openen breve dat voir ons sint gekomen Meyne
Scaffers, Lamke mester Clauwes van Ballens echte huusvrouwe by consente meyster Clawes voirscr. Hille Onsta
Jarch Jerges oir broeder ende bekanden samentlycken dat sy voir em ende oren erffgenamen hebben gegeven
droegen up ende gaven over om goids willen voir enen ewygen testamente den gemenen preesteren jonck ende olt
van sunte Meerten ende sunte Wolbergen kercken in onsser stad ende oren naekomelingen die helfte van een stucke
landes soe als em dat van saligen Barolt Jerges oren neven angestorven ende angeervet is dair dat convente ten
Horen die ander helfte van toebehoort soe als salige Ludeken Albert Yerges wedue saliger gedachten in voirtyden
soe wy verstaen den selven convente dat overgegeven heft gelegen ten Horen by onsser Stad indes conventes ende
susteren landt ten Horen dair dat selve convent an beyden syden by gelandet is ende ter swytte lycht onverscheyden
vrij ende quijt erfflycken ende ewichlycken toe bruken ende to besittende voir enen ewygen memorie ore sielen
sallcheijt ende saligen Ludeken ons broeders Heylen synre huusvrouwen ende Barolt Yerges voirgen. alsoe dat die
priesters voirgen. tot ewygen dager jairlickes in sunte Meertens kercke mit vigilie ende syelmyssen begaen
sullen Saligen Ludeken ende Heylle voirgen. ellick mit enen cleynen pont wasses ende mit vigilien keersen
inder weken decolacionis Johannis baptiste ende saligen Barolt voirgen. mit enen cleynen pont wasses ende mit
vigilien, keerssen inder weken transslacionis Mertini Ende wes dair vanden gelde jairlyckes overblyvet dat vanden
lande voirscr. kompt sullen die gemene preesteren van beyden kercken gelyc e deelen ende hebben voir koer
pennynghen Myt voirwerden dat die preesters voirgen. tot genen tyden dit voirscr. landt en sullen vercopen tertyen
ofte in eniger manieren vervreemden men tot ewygen dagen to blijvende als voirscr. is Ten waer sake dat die
priesteren voirgen. die Yaertijden soe niet en holden jairlyckes soe mogen die voirgen. personen ende oir
erffgehamen dat landt altfijt weder an em nemen ende geven dat anderen personen in die ere godes van doen to
laten als voirscr. is sonder argelyst. Dat Oirkonden wij mit onsser Stad Segell Gegeven inden jaer ons heren dusent
vierhondert sessendetachten tich des maandages nae sunte Mertensdage inde wynter Doe Sweder Kater, Coppijn
Jerges, Roeloff Mepssche ende Herman Lewe Borgermesteren weren onsser Stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0350
Regestnr.	356
Register Feith	1486.015
Jahr	1486
Datumcode	LpMartin

x

x

x

x

Material	perkament