Burgemeesteren en Raad in Groningen oorkonden, dat Heijman van Dulk en Grete, echtelieden, voor hen verklaarden overgedragen te hebben aan gemeene priesters van St. Mertenskerk de jaarlijksche rente, waarvan de brieven spreken, waardoor deze brief getransfigeerd is, met last hiermee jaarlijks een aantal nader genoemde personen nader in 8 memorien over 2 termijnen met vigilien, zielmissen en requiemlezing, elk met een klein pond was en 2 viligiekaarsen te begaan, 'en de waskaars en ... daarbij den vrienden ende erfgenamen te zenden van nijen wasse, de daerto offeren (zullen) voer oere selen salicheit'' terwijl genoemde priesters het overblijvende onderling tot koorpenningen zullen verdeelen.

Wy Borgermestere ende Raedt in Groningen betugen myt dessen openen breve dat voer ons sint gekomen Heyman
van Dulk ende Grete syn echte huusfrouwe ende bekanden voer em ende oeren erffgenamen dat sie hebben upge-
dragen ende overgegeven drogen up ende geven over in crafft desbreves den gemenen priesteren van sunte Mertens
kercke in onser Stadt ende oeren nakomelingen priesteren de dardenhalven franxschen schilt jaerlike erffliker ende
ewliken Renten daer de breven van spreken daer desse brieff doer getogen is vry ende quyt jaerlix in
allen maneren ewliken to manen ende to boren to bruken ende to besitten Alze de selve breven daer aff
inholden ende uutwysen des so sullen ende loven die priesteren vorgen. voer em ende oeren nakomelingen pries-
teren der vorscr. kercke hyr um to begaende jaerlix to ewigen dagen Achte memorien inder vorscr.
kercke des avehdes myt vigilien van negen lexien Ende des anderen dages daer na myt zielmissen
Requiem to lezen. Inden eersten saligen Goesen van Dulk ende Abelen synre huusfrouwen Heymans vorscr. olders
Alyt Heymans vorscr. huusfrouwe gewest ende Heyman vorscr. selven mede na synre doet. Desse vorgen.
vier memorien to samen to holden tot ewigen dagen up Heymans vorscr. sterffdach ende jaertyt elk myt enen
clenen punt wasses up de selve jaertyt jaerlix ende twee vigilien kersen van elken des avondes Des
gelycken salmen saligen Johann ten Hove Greten ten Hove syn huusfrouwen Greten van Dulkes vorgen. olders
saligen Coppyn Huuginge. Greten van Dulk vorgen. elk oeck jaerlix tot ewigen dagen myt eyn cleyn punt
wasses ende myt vigilien kerssen begaen up Greten van Dulkes vorgen. sterff dach ende jaerlix myt vigilien
ende sielmissen als vorscr. is na Gretens vorscr. doet ende tot dessen twen tyden als vorscr. is. De waskersen den
den vrenden ende erffgenamen to zenden van nyen wasse de daer to offeren als gewoentlick is voer oere selen
sallcheit Ende wes daer dan vandernvorgen. Rente overlopet jaerlix sullen de gemeynen priesteren vorgen.
jaerlix voer koerpenningen delen ende gelycke hebben voer de sielen to biddende Ende desse vorscr. rente tot genen
de to verandersaten noch anders in geenre wys to verwisselen offte to verkopen vanden huuse ende hofstede
daer se nu uut gegaen ende up staende sint ewliken na inholt der breven daer desse brieff doer getogen
is Deden die priesteren vorgen. daer en tegens so sullen ende mogen Heymans ende Gretens vorscr. vrende ende
erffgenamen desse breven ende Renten weder an em nemen ende holden de memorien selven daer van jaerlix tot
ewigen dagen als vorscr. is sunder argelist dat Orkonde wy myt onser Stadt zegel Ghegeven inden jaer ons
heren dusent vierhundert achtendetachtentich des donredages na Sandgange dage doe Garmet Allema,
Herman Potter, Roleff Ulgers ende Harman Lewe borgermestere waeren onser Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0381
Regestnr.	367
Register Feith	1477.001.3
Jahr	1488
Datumcode	JpSantga

x

x

x

x

Material	perkament