Burgemeesteren en Raad in Groningen oorkonden, de voogden van Sunte Mertenskerk, door middel van den schulte Herman Segers (gerechtelijk) in 't bezit gesteld te hebben van de rente van 8 1/3 gouden Rijnsche gulden welke Coert van Lewerden voornoemde voogden jaarlijks uit zijn huis en hofstede met toebehooren aan de Zuidzijde in Kerelswech verschuldigd was met bepaling dat genoemde Coert deze rente steeds kan inkoopen.

Wy Borgermeistere ende Raed in Groningen betugen myt dessen openen breve dat wy myt Herman Segens den
schulten hebben ingewaert myt stadt rechte den vogeden van sunte Mertens kercke in onser stadt tot behoeff der
kercken vors. an achte golden rinsen gulden ende an een derden deell van een golden rinsen gulden jaerliker ende
erffliker renten uut Coerts van Lewerden hele huus mytter hofstede achter ende voer myt alle synen to behoer, soe
als dat gelegen is an de suuder sydt in Kerels wech daer Derck backers huus naest by licht an de oester sydt ende
Derck Wattens ende synre kynder huus an de westersydt vry ende quyt erffliken daer uut to waeren Voer sodane
summe gelt ende schulde als Coert vorgen. den vogeden der kercken vorgen. schuldich was ende nyet an betalde
byder tyt de em van ons gesat was des soe is Coert vorgen. gegunt ende to gestaen vor em ende syne erffgenamen
dat se desse vors. rente mogen weder aff vry ende quyt kopen tot allen tyden wanneer em des genoget myt hondert
golden rinsen gulden sunder argelist. Dat Orkunde wy myt onser stadt segell Ghegeven inden jaer ons heren dusent
vierhondert vierendetnegentich des maendages na Santgange dage Doe Gharmet Allema, Eppe Alleman, Herman
Lewe ende Johan Scaffer Borgermeistere waeren onser stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0064
Regestnr.	412
Register Feith	1494.023
Jahr	1494
Datumcode	LpSantga

x

x

x

Material	perkament