Burgemeesteren en Raad in Groningen oorkonden, dat Lubbert Clant voor hen verklaarde verkocht en overgedragen te hebben aan kerkheeren en priesters 'de gremio'to Sunte Merten, 'zijn land tusschen de twee Oesterpoerten in den Woert geheeten, waarvan de helft reeds aan genoemde kerk en priesters toekomt, met last met inkomsten hieruit eerst drie memorien van die van Mr. Johan Apoteker, vervolgens nog twee memorien, eindelijk nog een memorie elk van een klein pond was, welke alle nader aangeduid worden, te begaan, waarvan zij resp. 25, 50 en 25 Arnhemsche gulden ontvangen hebben, terwijl zij het overblijvende onderling zullen verdeelen.

Wy Borgermeistere ende Raet in Groningen betugen myt dessen openen breve dat vor ons is gekomen Lubbert
Clant ende bekande vor em ende syne erffgenamen dat he hevet verkofft upgedragen ende overgegeven den kerck
heren ende preisteren to sunte Merten in onser Stadt de gremio ende oeren nakomelingen syn andeell landes
gelegen tusschen den tween Oesterpoerten In de Woert geheten daer de kerckheren ende preisteren de gremio
vorscr. de heelffte van den lande to behoert de ander heelffte Lubbert Clant vorscr. ende Alyt Lewens Alsoe dat
Lubbert vorscr. de twe deelt to behoert ende Alyt vorscr. dat derdendeell daer dat hilligen gheeste alinge lant naest
by gelegen is up de suuder sydt ende Herman Hoppers vicarius lant an de norder sydt vry ende quyt erffliken ende
eweliken to bruken ende to besitten Voer ene summe geldes de Lubbert vorscr. bekande dat em vuil ende all is be
talt Des sullen de kerckheren ende preisteren vorscr. van dat deell landes van Lubberte vorscr. gekoefft jaerlix
begaen meister Johan Apoteker Alyde synre huusfrouwen ende Johannes oeren sone saliger gedachtnissen elcke
mernoerie myt enen cleynen pont wasses daer de kerckheren ende preisteren de gremio vyffendetwintich arnemsen
gulden vor ontfangen hebn Item beth Peter hopenbinder ende Asselen synre huusfrouwen twe memorien elek myt
enen cleynen punt wasses daer de kerckheren ende gemene preisteren vor ontfangen hebn vyfftich arnemsen gulden
Item beth Dedden van Linge jaerlix to begaen myt een cleyn punt wasses daer de kerckheren ende gemene
preisteren oeck vyffendetwintich arnemsen gulden vor ontfangen heben als se selven vor ons bekanden.Dat dair dan
jaerlix overlopet sullen de kerckheren ende preisteren deelen vor koerpenningen sunder argelist. Dat Orkunde wy
myt onser Stadt segell Ghegeven inden jaer ons heren dusent vier hondert sessendetnegentich op sunte Calixtus
dach pape Doe Eppe Allema, Tese Jarges, Bartolt ten Grave ende Bernt Coenrades Borgermeistere waeren onser
Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0436
Regestnr.	434
Register Feith	1496.076
Jahr	1496
Datumcode	Calixt

x

x

x

x

Material	perkament