| Nummer:par437 | Datum:12 jan. 1497 | Überlieferung:Origineel | Fundstelle:Arch. Parochiekerken, inv.nr. 0056, reg. 437 |
Burgemeesteren en Raad in Groningen oorkonden, dat Roleff Hovinghe voor hen verklaarde verkocht en overgedragen te hebben aan de voogden van Sunte Mertens kerk, eenige kamers, gelegen op kerkgrond tusschen Heerstratenporten met de pacht der hofstede gedurende resteerende huurjaren een en ander door zijn vader Egbert Hovinge van diens broeder Otto geerfd, dat Roleff verder aan genoemde voogden volgens testament van zijn oom Otto eenig veen overgedragen heeft.
Wy Borgermestere ende Raet in Groningen betugen myt dessen openen breve dat voer ons is ghekomen Roleff
Hovinghe ende bekande vor em ende sinen erffgenamen dat hie hevet vorkofft upgedragen ende overgegeven den
vogeden van sunte Mertens kerke in onser Staet tot behoff der kerken vors. Sodane kameren alse Egbert Hovinge
Roleffs vors. vader van saligen Otten Hovinge sinen broder angestorven ende angeervet sint soe als die ghelegen
sint upder vors. kercken erve tusschen Heerstrate porten myth de jaer malen ende vorpachtinge des erves die he
daer an hefft Mede bekande Roleff vors. dat hie vor em ende sinen erffgenamen den vogeden tot behofft der
kerker vors. to steit ende belevet sodane gave des testamentes van den vene alse salige Otte syn oem der kerken
voergen. besproken ende gegeven hefft Soe alse Roleff vors. van sinen vader vorgen. upgedragen overgegeven is
alle alsodane guderen ende erffnisse waer die gelegen sint ende Egberde sinen vader vorgen. van saligen Otten
sinen broder angestorven ende angearvet moegen wesen erffliken ende eweliken vry ende quyd alse wy in enen
besegelden Staet breeft gesien hebben vor een summe geldes die Roleff vors. bekande dat em vull ende all is
betaelt van den vogeden vors. sunder argelist Dat onkunde wy myt onser Staet segel Ghegeven inden jaer ons heren
dusent vierhundert sovenendetnegentich des donredages vor sunte Poncien doe Tetze Jarges, Bartolt ten Graves,
Bernt Conrades ende Ludeken Horneken Borgermeistere waeren onser Stadt.
Hovinghe ende bekande vor em ende sinen erffgenamen dat hie hevet vorkofft upgedragen ende overgegeven den
vogeden van sunte Mertens kerke in onser Staet tot behoff der kerken vors. Sodane kameren alse Egbert Hovinge
Roleffs vors. vader van saligen Otten Hovinge sinen broder angestorven ende angeervet sint soe als die ghelegen
sint upder vors. kercken erve tusschen Heerstrate porten myth de jaer malen ende vorpachtinge des erves die he
daer an hefft Mede bekande Roleff vors. dat hie vor em ende sinen erffgenamen den vogeden tot behofft der
kerker vors. to steit ende belevet sodane gave des testamentes van den vene alse salige Otte syn oem der kerken
voergen. besproken ende gegeven hefft Soe alse Roleff vors. van sinen vader vorgen. upgedragen overgegeven is
alle alsodane guderen ende erffnisse waer die gelegen sint ende Egberde sinen vader vorgen. van saligen Otten
sinen broder angestorven ende angearvet moegen wesen erffliken ende eweliken vry ende quyd alse wy in enen
besegelden Staet breeft gesien hebben vor een summe geldes die Roleff vors. bekande dat em vull ende all is
betaelt van den vogeden vors. sunder argelist Dat onkunde wy myt onser Staet segel Ghegeven inden jaer ons heren
dusent vierhundert sovenendetnegentich des donredages vor sunte Poncien doe Tetze Jarges, Bartolt ten Graves,
Bernt Conrades ende Ludeken Horneken Borgermeistere waeren onser Stadt.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0056 |
| Regestnr. | 437 |
| Register Feith | 1497.010 |
| Jahr | 1497 |
| Datumcode | JaPontia |