Burgemeesteren en Raad in Groningen oorkonden, dat Wigbolt Lewe voor hen verklaarde verkocht en overgdragen te hebben aan gemeene priesters de Gremio to Sunte Merten een jaarlijksche rente van vier 'gouden overlandsche Rijnsche gulden, 'te beuren uit zijn land gelegen 'in den Ham bij Selwert'en al zijn overige goederen subs. uit de goederen van zijn grootmoeder Meijne Scaffers, met last hiervoor op 4 nader aangeduide termijnen vijff met name genoemde personen elk met een klein pond was te begaan; de kosten van welke memorien bestreden zullen worden resp. uit afzonderlijke renten van 2 Arnh. gulden, 3 Arnhemsche g., 1 Rodolphus postul. g., en de laatste uit het overblijvende van bovengen. rente; met bepalingen omtrent wederinkoop dezer rente.

Wy Borgermeistere ende Raed in Groningen betugen myt dessen openen breve dat vor ons is gekomen
Wigbolt Lewe ende bekande voir em ende sinen erffgenamen dat he hevet verkofft upgedragen ende overgegeven
den gemenen priesteren de gremio to Sunte Merten in onsen Stad Ende oeren nakomelingen vier golden
overlandesche rynsen gulden erfflike renten vor datum des brieffs gemuntet offte de werde dair voir als de ene
coepman vanden anderen ontfanget ende betaelt inder komenschap vor onser Stad wage jarlix to vrymarck te
betalen offte scadeloes gelt myt botbreven in to manen uut syn part van vierendeviertich grase landes gelegen
inden Ham by Selwert Dat Egbert Clant dat seste part van toe behoert ende Evert Lewe de helffte tegens Wigbolt
vorgen. Ende voert uut alle sine lande ende guederen oec wair de gelegen sint Also offte den priesteren vorgen.
aldair tot enygen tyden gebreke to boeren so mogen se de mede manen uut alle Meynen Scaffers synre olde
moders guederen ende lande oec wair de gelegen sint dat Meyne vorgen. so belevet ende tosteet voer oer ende
oeren erffgenamen vry erffliken dair uut to waeren Voir ene summe geldes de Wigbolt vorscr. bekande dat em vuil
ende all is betaelt Hyr is togesproken dat Wigbolt vorscr. offte sine erffgenamen dessen vorscr. vier gulden
renten mogen weder aff vry tot allen tyden wanneer em des genoget ende dat dan den priesteren een halff jaer to
voeren op seecht myt sovenendetsestich golden overlandesche rynsen gulden offte de weerde dair vor als vorscr.
is ende mytter vuller renten Hyr van salmen jarlix begaen saligen her Geert Brinck ende Hebbelen Schinckels
elck myt een cleyn punt wasses van twe arnoldus arnemsen gulden de se dair to gegeven hebn up den soendach to
palme to begaen Item Greten Wissynge up sunte Johannes avent to myd sommer se to begaen myt een cleyn punt
wasses van dre arnemsen gulden renten de se dar to geven hefft Item Lyse Stoter up sunte Lambert myt een cleyn
punt wasses van enen Rodolphus postelaten gulden renten den se dair to geven hefft Ende Coerd de Vos des
sondages vor pinxteren myt enen cleynen pund wasses van den selven dat dair overlopet van de vier rynsen
gulden renten sunder argelist. Dat Orkunde wy myt onser Stad Segel Ghegeven inden jar ons heren
dusentvierhundertsovenendetnegentich des vrydages vor sunte Barbaeren Doe Garmet Allema, Coppyn Jarges,
Hermen Lewe ende Johan Scaffer Borgermeistere waeren onser Stadt.
DORSO: Num. 8.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0444
Regestnr.	452
Register Feith	1497.003
Jahr	1497
Datumcode	VaBarbar

x

x

x

Material	perkament