| Nummer:par503 | Datum:17 juli 1503 | Überlieferung:Origineel | Fundstelle:Arch. Parochiekerken, inv.nr. 0244, reg. 503 |
Hermannus abt, Egbertus prior, Bernerdus kelner, Rodolfus bursarius, en seniores en conventslieden van het convent te Adewert verklaren in ruil tegen eenige renten uit den hof van Johan Wolters 'buten der Aepoerten'overgedragen te hebben aan voogden van St. Walborge kerk de beide jaarlijksche rente, waarvan de brieven spreken, waardoor deze brief getransfigeerd is, terwijl zij ten opzichte der oudste rente de vrijwaring op zich nemen. Burgemeesteren en Raad in Groningen voegen hieraan toe deze overdracht op verzoek van den abt c.s. mede bezegeld te hebben.
Wy Hermannus by der gracien godes inder tyd Abt to Adewert Egbertus prior Bernerdus kelner ende Rodolfus
bursarius mytten gemenen senioeren ende conventesluden des vorscr, convents bekennen ende doen kond myt
dessen openen breve dat wy vor ons ende onse nacomelingen hebn upgedragen ende overgegeven dragen up ende
geven over vermyts dessen onsen openen breve den vogeden van sunte Walborge kerke bynnen Groningen tot
behoeff der kerken sodanen ses golden gulden renten daer de brieffe van spreken daer desse brieff doer
getogen is Myt vorwerden dat wy Hermannus Abt mytten gemenen conventeluden vorgen. voer ons ende onse
nacomelingen vierde halff golde gulden renten vande vorscr. Ses golden gulden renten als Garmens huur eerst
verkofft wort loven to waeren den vogeden vorscr. dat se de vierdehalff golden gulden renten daer uut bekomen
solen men de andere derdehalff golden gulden renten loven wy de neet toe waeren noch solen Voer sodanen renten
als de vogeden vorgen.hadden uut Johans Wolters hoff buten der Ae poerten gelegen sunder argelist. In Orkunde
hebn wy Hermannus Abt Egbertus prior ende andere senioeren ende conventesluden vorgen. vor ons ende onse na
komelingen onse conventes Segel beneden an dessen brieff gehangen ende omme de merre vestenisse wille hebn
wy Hermannus Abt Egbertus prior myt den gemenen conventesluden vorgen. gebeden den Ersamen
Borgermesteren ende Raet der Stad Groningen dessen brieff mede over ons toe besegelen ende wy Borgermesteren
ende Raet vorgen. doer oer bede wille hebn onse Stad Seghel mede an dessen brieff gehangen Ghegeven inden
jaere ons heren dusent vyffhundert ende drie des maendages nae sunte Margreten dach Doe Roloff Ulger, Tese
Yarges, Ludeken Hoerneken ende Johan Woldrinck Borgermestere waeren onser Stadt.
bursarius mytten gemenen senioeren ende conventesluden des vorscr, convents bekennen ende doen kond myt
dessen openen breve dat wy vor ons ende onse nacomelingen hebn upgedragen ende overgegeven dragen up ende
geven over vermyts dessen onsen openen breve den vogeden van sunte Walborge kerke bynnen Groningen tot
behoeff der kerken sodanen ses golden gulden renten daer de brieffe van spreken daer desse brieff doer
getogen is Myt vorwerden dat wy Hermannus Abt mytten gemenen conventeluden vorgen. voer ons ende onse
nacomelingen vierde halff golde gulden renten vande vorscr. Ses golden gulden renten als Garmens huur eerst
verkofft wort loven to waeren den vogeden vorscr. dat se de vierdehalff golden gulden renten daer uut bekomen
solen men de andere derdehalff golden gulden renten loven wy de neet toe waeren noch solen Voer sodanen renten
als de vogeden vorgen.hadden uut Johans Wolters hoff buten der Ae poerten gelegen sunder argelist. In Orkunde
hebn wy Hermannus Abt Egbertus prior ende andere senioeren ende conventesluden vorgen. vor ons ende onse na
komelingen onse conventes Segel beneden an dessen brieff gehangen ende omme de merre vestenisse wille hebn
wy Hermannus Abt Egbertus prior myt den gemenen conventesluden vorgen. gebeden den Ersamen
Borgermesteren ende Raet der Stad Groningen dessen brieff mede over ons toe besegelen ende wy Borgermesteren
ende Raet vorgen. doer oer bede wille hebn onse Stad Seghel mede an dessen brieff gehangen Ghegeven inden
jaere ons heren dusent vyffhundert ende drie des maendages nae sunte Margreten dach Doe Roloff Ulger, Tese
Yarges, Ludeken Hoerneken ende Johan Woldrinck Borgermestere waeren onser Stadt.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0244 |
| Regestnr. | 503 |
| Register Feith | 1409.001.3 |
| Jahr | 1503 |
| Datumcode | LpMargar |