Burgemeesteren en Raad in Groningen oorkonden, dat Johan Theme voor hen verklaarde overgedragen te hebben aan gemeene priesters to sunte Merten en ter Ae elk voor de helft de acht grazen land, waarvan de brief spreekt, waardoor deze brief getransfigeerd is 'als wijlen Leefke Katers voorn. priesters 'voer een testament'besproken en gegeven heeft; met last hiervoor 2 nader aangeduide memorien elk van een klein pond was te houden, en het overblijvende tot koorpenningen te verdeelen.

Wy borgermestere ende Raed in Groningen betugen myt dessen openen breve dat vor ons is gekomen Johan Theme
ende bekande vor em ende sinen erffgenamen dat he hevet upgedragen ende overgegeven den gemenen priesters to
Sunte Merter de helffte ende de gemenen priester ter Ae in onser stad de ander helffte van de achte grase landes
daer de brieff van spraket daer desse brieff doer getogen is erffliker, vry ende quyt in allen maneren to bruken inde
toe besitten als de selve brieff daar aff inholdet ende uutwiset. So als salige Leeffke Katers vor een testament den
priesteren vorg. besproken inde gegeven hevet. Des so solen de priesters to Sinte Merten vorgen. daer voer holden
tot ewigen dagen twe memori rien de ene up Leeffkens vors. sterffdach als elven dusent mageden myt een cleyn
pont wasses ende andere memorie in der octaven van Sunte Peter ende Pawel vor Sweder Kater oeren man oeck
myt een Cleyn pont wasses na gewoente der vors. kerke ende dat ander voer hoer penningen dalen des geliken
solen oeck doen de priesters ter Ae vorg. sunder argelist. Dat orkonden wy myt onse Stad segel Ghegeven inden
jaere onses heren dusent vyffhundert ende dre op sunte Katrinen avent, doe Roloff Ulger, Tese Yarges, Ludeken
Hoerneken ende Johan Woldrinck borgermestere waeren onsen stad.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0348
Regestnr.	513
Register Feith	1356.001.2
Jahr	1503
Datumcode	vCathar

x

x

Material	perkament