Burgemeesteren en Raad in Groningen oorkonden, dat zij op verzoek van de rentenhouders uit 't huis en de hofstede met toebehooren van Bartolt Haben, gelegen aan de noordzijde van de Krumme Jath de drie kerkenkondingen hebben laten doen, waarop de Jacopiner, de priesters van St.Merten, 't Vrouw Sywenconvent, en de voogden ter Ae hun rentebrieven op de stadsschrijfkamer hebben laten aanteekenen, dat zij vervolgens het genoemde huis op 300 Arnhemsche gulden 'ghesat'hebben, welke som alleen de voogden van O.L.V. ter Aekerk in de volgende drie kerkenkondigingen geboden hebben, en dat zij daarop voornoemde voogden van der Ae tegen de genoemde som in den eigendom van het genoemde huis c.a. onder de genoemde verplichtingen gesteld hebben.

Wy Borgermeistere ende Raed in Groningen betugen mit dessen openen breve dat voer ons sint ghekomen een deel
der Renteners de renten uut Bartolt Haben huus hebn mitter hofstede ende hoff achter ende voer mit alle sinen toe
behoeren ghelegen ande noorder syd int Krumme Jath daer Ghysebert Janthevoet naest by ter swette licht up de
oester syd ende Lambert Drewes up de westersyd ende bekroenden sick wo dat voerscr. huus voer de renten staende
bleve Also dat se oere renten daer neet uut manen noch bekomen en konden ende weren van ons stadrechts
begerende So hebn wy dat vorscr. huus mit sinen to behoeren tot dren sondaghen by unsen stadknechten over de
kerken laten kondighen we daer renten uut hadde de solde komen in onse Stad scryffkamer mit sinen breven by
onsen Stad schriver ende laten sine renten tekenen elk na sinen breven de des neet en dede daer olde...................
Soe sint ghekomen de Jaco...ners mit neghen arnemsen ghulden renten payment als in Groningen ghanck ende
ghane is datum dusent veerhundert Twe ...............des vridaghes voer ex...... cionis crucis Item de preesters to sunte
Merten veerteyn schilde renten als se segghen Item vrow Sywen convent neghen arnhemsen ghulden renten teyn
onser stad vlegers voer datum desbreves gemuntet offte payment dat daer gued voer is voer elken gulden gerekent
datum dusent veer hundert vyffende vyfftich des wondesdages voer sunte Petersdach ad cathedram Item de
vogheden van der Ae kerke derdehalff ghulden ende twe vleemsche ewige renten Teyn onser stat vlegers voer
datum des breves ghemuntet offte payment dat daer guet voer is voer elken gulden gherekent datum dusent veer
hundert sessende tsoventich up lichtmissen avend So en is daer anders nement ghekomen bynnen der
tyt de mede ghekondiget weerd Soe is dat voerscr. hues mit sinen toebehoeren up ghelt ghesat als up dre hundert
arnemsen ghulden sulks payment als de Jaco piners ende vrow Sywen convent vorgen. breven vermeldende sint
ende daer toe eens vyff arnemsen gulden payment als Cornelys de Muntmeister ghemuntet hevet Dat oeck tot dren
sondaghen by unsen Stat knechten over de kerken ghekondiget is offt ement daer meer voer gheven wolde dat de
by den Raet queme bynnen der tyt de mede ghekondiget werd de wolde de Raed daer inne bevestighen Soe sint
ghekomen de vogheden van onser liever vrouwen ter Ae kerke in onser Stad ende hebn de voerscr. summe daer
voer gheboden toe gheven ende wolden den oldesten renteners de dan inde vorscr. summe als dre hundert ghulden
mede komen mochten jaerlix na oeren breven vernoeghen ende betalen so veer sick de summe streckende is Alsdan
daer nement ghekomen is de soe voele offte meer voer dat voergen. hues mit sinen to behoeren geboden hevet to
gheven als de vogheden vander Ae vorgen. daer voer gheboden hebn toe gheven ende wolden van alle
achterstallinge renten ende breven onbelastet wesen anders dan voerscr. is Soe wysen ende bevestighen wy de
vogheden vander Ae vorgen. voer hem ende hoeren nakomelinghen up de voersc. scr. summe als dre hundert
arnemsen ghulden inden eygendom des huuses hoff ende hofstede achter ende voer mit alle sinen to behoeren vry
ende quyt erffliken ende eweliken toe bruken ende to besitten up de voerscr. summe als dre hundert arnemsen
ghulden daer van toe doende als voerscr. is ende van allen anderen anspraken ende achterstallich onbelastet toe
bliven sunder arghelist Dat Orkonde wy mit onser Stad zeghel Ghegeven inden jaere ons heren dusent vyffhundert
ende soven des saterdaghes voer den sondach Oculi Doe Hermen Lewe, These Jarghes, Lluloff Conrades
ende Roloff Huyginghe Borgermeistere waren onser Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0219
Regestnr.	558
Register Feith	1507.001
Jahr	1507
Datumcode	SaOculi

x

x

x

Material	perkament