| Nummer:par611 | Datum:22 aug. 1511 | Überlieferung:Origineel | Fundstelle:Arch. Parochiekerken, inv.nr. 0054, reg. 611 |
Burgemeesteren en Raad in Groningen oorkonden, dat de voogden van Sunt Mertenskerk voor hen verklaarden met toestemming van Kerkheeren en burgemeesters verkocht en overgedragen te hebben aan mr. Ghoert Heymans, den abteker 'een stuk grond 'westwert achter Sunte Mertenstoren', met de bepaling dat, ingeval de kerkvoogden voor vergrooting van de kerk genoemd land noodig mochten hebben, Ghoert het als dan weer tegen schadeloosstelling zal afstaan.
Wy Borgermestere ende Raed in Groningen betugen mit dessen openen breve dat voer ons sint ghekomen de
vogheden inder tyt van sunt Mertens kerke in onser Stad ende bekanden voer hem ende hoeren nakomelingen
vogeden dat se by consente der kercheren ende Borgermesters hebn verkofft upghedragen ende overgegeven
Mester Ghoert Heymans den Abteker ende sinen erffgenamen een stucke landes veer voete breet so langk als de
vors. kerke hoer lant daer liggende hevet westwert achter sunte Mertensthoerne daer Mester Ghoert voers. naest by
gelandet is ende ter swette licht up de wester ende norder zyden de kerke to sunthe Merten up de oester syd ende
dat marckt up de suder syt vry ende quyt erffliken ende eweliken toe bruken ende to besitten ende vry erffliken to
waren voer een summe gheldes de de vogeden vors. bekanden dat em vull ende all tot behoeff der kerken vors.
is betaelt Mit sulken vorwerden weert sake dan in to komeden tyden sunte Mertens kerke int westen groeter
ghemaket worde ende de vogeden dat voers. landt veer voet breet tot behoeff der kerken ende mitter kerken
betymmeren wolden so sall em Mester Ghoert voers. offte sine erffghenamen dat selve lant ende oeck syn ander
arve daer syn husingen up staen guetliken sunder wedersegghen overgheven dat hem de vogeden voers. tot guder
luden kennynghe van beyden syden daer toe genomen vernogen ende betalen solen sunder arghelist. Dat orkonde
wy mit onser stad seghel. Ghegeven inden yare ons heren dusent vyffhundert ende elven des vrydaghes voer sunte
Battholomeusdach de Herman Lewe, Johan Scaffer, Peter Sickinghe ende Lluioff Conrades Borgermestere waren
onser Stat.
vogheden inder tyt van sunt Mertens kerke in onser Stad ende bekanden voer hem ende hoeren nakomelingen
vogeden dat se by consente der kercheren ende Borgermesters hebn verkofft upghedragen ende overgegeven
Mester Ghoert Heymans den Abteker ende sinen erffgenamen een stucke landes veer voete breet so langk als de
vors. kerke hoer lant daer liggende hevet westwert achter sunte Mertensthoerne daer Mester Ghoert voers. naest by
gelandet is ende ter swette licht up de wester ende norder zyden de kerke to sunthe Merten up de oester syd ende
dat marckt up de suder syt vry ende quyt erffliken ende eweliken toe bruken ende to besitten ende vry erffliken to
waren voer een summe gheldes de de vogeden vors. bekanden dat em vull ende all tot behoeff der kerken vors.
is betaelt Mit sulken vorwerden weert sake dan in to komeden tyden sunte Mertens kerke int westen groeter
ghemaket worde ende de vogeden dat voers. landt veer voet breet tot behoeff der kerken ende mitter kerken
betymmeren wolden so sall em Mester Ghoert voers. offte sine erffghenamen dat selve lant ende oeck syn ander
arve daer syn husingen up staen guetliken sunder wedersegghen overgheven dat hem de vogeden voers. tot guder
luden kennynghe van beyden syden daer toe genomen vernogen ende betalen solen sunder arghelist. Dat orkonde
wy mit onser stad seghel. Ghegeven inden yare ons heren dusent vyffhundert ende elven des vrydaghes voer sunte
Battholomeusdach de Herman Lewe, Johan Scaffer, Peter Sickinghe ende Lluioff Conrades Borgermestere waren
onser Stat.
x
| Archiv | Groninger Archieven |
|---|---|
| Bestand | Arch. Parochiekerken |
| Zugangsnummer | 1539 |
| Inventarnr. | 0054 |
| Regestnr. | 611 |
| Register Feith | 1511.010 |
| Jahr | 1511 |
| Datumcode | VaBartho |