Heer Johan van Munster commendator, heer Johan van Rene, prior , en de conventualen van Oosterwerum , verklaren, verkocht en overgedragen te hebben aan Mr. Roloff Poppnick, cureet ten Damme, Eggerick Ripperda, hoveling te Wijtwart en Focko Ewens, voogden der kapel van ,t H. Sacrament te Zolwert, 3 vierde gedeelten van alle goederen, die Teetken Hemmen 'suster toe Reijde 'en Yken Tammens, hun conventszuster, benevens Elteken Ubbens te Tynzerwolde ( die hun daartoe volmacht gegeven heeft) geerfd hebben van Focko Petels, en hun door het hofgericht toegewezen zijn, van welke erfenis ook 't laatste 4e gedeelte gerechtelijk aan Hemmen toe Reijde toegewezen is; alles met de bepaling dat, bij eventueele nadere aanspraken op genoemde erfenis, de conventualen met de voogden der kapel naar verhouding van hun aandeelen de kosten zullen dragen en dat laatstgenoemden de conventualen schadeloos zullen stellen voor de aanspraken die Heer Hero (nu ter tijd op de H. plaats wonende) en zijn broeders mochten doen gelden, met verdere regeling der schulden en baten van de nalatenschap. 'Hier synt mede bij an unde over gewest als dedinges unde entlike seggeslude van beide parten vors. Evert Hoernckens unde Melle Tyackens'.

Wy heer Johan van Munster Commendator heer Johan van Rene prior unde gemene conventualen toe Oesterwerum
bekennen unde betughen vermyds dessen openen breve voer als ........... dat wy mit vryen willen unde gueden
voerberaden moede voer uns und unsen nakomelingen hebben verkoft uitgedragen unde overgheven ewelick unde
arfflick den Eeraftigen Meyster Rolff Poppinck ten Damme Cureet den Erbareb Eggerich Ripperda toe Wijtwert
hovetlingen.unde den Ersamen Focko Ewens sampt vogheden und voerstanders der Capellen des weerdigen
hilligen sacramentes toe Zolwert und oren nakomelingen tot profijt unde behoeff der vorscr. Capellen So dane dre
parten alle der arffnissen landen unde guederen Reppelick unde unreppelick woe waer unde waer an de ghelegen
moegen wesen nicht uutgenomen als Teetken Hemmen suster toe Reyde unde Yken Tammens unses conventes
susteren unde Elteken Ubbens toe Fynzerwolde van wes weghen wy volmechtich synnen van seligen Jonge Focko
Petels anghearvet sint unde van den hovegherichte unses gnedigen heren Graven toe Oestfreeslant item
Stadtholders toe gherichtet synt van welkeer arffnissen voerscr. Hemmen toe Reyde voerbenoempt de veerde part
oeck gherichtliken toe ghehent is voer ene summe gheldes als namptlike hondert unde vijff unde twyntich Emder
goltgulden vryes schadeloes unde unbekummerdes gheldes off payment van ghelyker weerde Welck wy
Commendator prior unde conventualen voerscr. bekennen dat uns vol unde all wal toe willen is betaelt van den
voergheroerten voerstanders. Hier umme dragen wy up unde gheven over in macht desses breves desse voerscr, dre
parten desser arffnissen landen unde guederen voerscr. mit all oren toebehoeren dessen voergenompten oerstanders
unde oren nakommelingen van weghen der vorscr. Capellen al oren vryen willen daer mede toe doen unbespeert
van allsw....Beholtliken hier mede in ghesproken offte in natyden yemandt queme de sich vermoede toe dessen
voerscr. arffnisse gherichtiget toe wesen unde mit rechte off anders daer up spreke sullen unde willen wy
Conventeslude voerbenompt off unse nakomelingen mitten voerstanders der vorscr. Capellen na antale und
groetheyt off veelheyt unser parten tot ghelyker uutdracht helpen endigen unde slyten Oeck is hyr mede
toeghesproken dat de voerstanders unde oer nakomelingen van wegen der Capellen sullen uns unde unsen convente
vry unde schadeloes holden van aller ansprake de heer Hero nu ter tijt ter hilliger stede woenachtich mit synen
broders unde mede parten up desse vorcs. arffnisse unde guederen yenigerleye wyse mochten hebben unde sullen
oeck staen voer alle uutschulde dat wy unbeswaert daer van sullen wesen unde sullen weder hebben unde uph
boeren alle inschulde unde al wes anders namaels toe der voerscr. arffnisse yenigerleye wyse behoert unde komen
off vallen mach Alle argelist uutghesproken Hier synt mede by an unde overgewest als dedinges unde entlike
seggeslude van beyden parten vorcs, daer toe ghehoren de desse contracten unde vorworden aldus gheadedinget
unde uutghesproken hebben de Erbaere Evert Hoernekes unde de Ersamen Melle Tyackens To onkunde der
waerheyt hebben wy heer Johan van Munster commendator unde heer Johan van Rene prior unde gemene
conventualen upgenoempt unse conventes seghel hyr beneden witliken angehangen unde toe meerre vestenisse
desser waerheyt unde dorch vruntlike bede undo begheerte beyder parten bovengeschreven hebbe ick Evert
Hoernekens upgenompt myn segel oeck mede witliken beneden an dessen selven breeff ghehangen Gheven inden
jaere uns heren Dusent vyffhondert unde Elven des daghes na sunte Elisabeth weduwe.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0075
Regestnr.	614
Register Feith	1511.015
Jahr	1511
Datumcode	cElisab

x

x

x

Material	perkament