Herman Benkumma verklaart verkocht te hebben aan Wylte Stevens en Jacop echtel. een jaarlijksche rente van 6 Aernhemsche gulden te beuren uit een stuk land te Mydwolde 'Moke land 'geheeten, thans door koopers bewoond; met bepaling omtrent wederinkoop dezer rente.

Yck Hermen Bekkumma bekenne ende betugen myt dessen oepenen breven dat ick hebbe verkoft voer my ende
voer mynen erffgenamen Wylte Stevens ende Jacop syn husfrowe ende hoeren erfgenamen ses aernemsche gulden
iaerliker ende erfliker renten welke renten vorscr. Wylte ende Jacop vorscr. jaerlix solen ende moeten manen uut
ein clene landes gelegen to Mydwolde geheten dat Monke land daer Wylte ende Jacop nuter tyd selve upwonen
elken gulden gerekent voer tyn gronynger stuvers voer datum desses breves gemuntet vry ende quyt eweliken
ende erfliken Wilte ende Jacop verscr. hoeren vryen wyllen daer mede to doen voer ene summe van gelde als dre
ende dartich philippus gulden ende enen rinsche gulden de my Hermen vorscr. van Wylten ende Jacop vol ende wal
betaelt synt den ersten pennynck mytten lesten sunder arch ende list Hyr is to gesproken dat Hermen vorscr. offte
syne arffgenamen mogen desse vorscr. renten weder aff vry ende quyt copen to altyd to mey myt dre ende dertych
golden philippus gulden Ende mytter voller rente ende alle iaer de rente to betalen up mey aevent schadeloes sunder
arch ende list in orkunde de (sic) waerheit so heb ick Hermen vorscr. dyt breeff gescheven (sic) myt myn hant ende
myn legel an dessen breeff gehangen int jaer ons heren dusent vyff hundert ende twyntich up mey aevent.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0265
Regestnr.	664
Register Feith	1520.002.1
Jahr	1520
Datumcode	vMei

x

x

x

Material	perkament