Burgemeesteren en Raad in Gronyngen oorkonden, dat Wemele Philipps voor hen verklaarde verkocht en overgedragen te hebben aan Nanninck Jacobs een jaarlijksche rente van 9 Arens gulden, te beuren op Sunte Michaelis avond uit Syemaheert, gelegen te Krewert, en uit al zijn overige goederen; met bepaling omtrent wederinkoop dezer rente.

Wy Borgermesteren ende Raidt in Gronyngen betuegen myt dessen openen breve dat voer uns is gekomen Wemele
Philipps ende bekande voer hoer ende hoeren erffgenamen dat se hevet verkoft upgedragen ende overgegeven
Lanninck Jacobs ende synen erffgenamen Negen arens gulden iaerlicker ende arfflicker renten tyn unser Stadts
stuvers voer datum sbreves gemuntet ofte payment dat daer guet voer is voer elken gulden gerekent jaerlix upp
sunte Michaelis avent tho betalen vry schadeloos gelt myt botbreven ofte anders myt wat rechte hem best belevet
in tho manen to boeren ende to manen uut een heert landes tho Krewert gelegen Syema heert geheten daer Johan
Peters nu ter tyt up woent Ende voert over all hoer ander guederen repplick ende unrepplick oeck waer de gelegen
moegen wesen gene daer van uutghescheyden vry ende quyt ende vry daer uut tho waren voer ene summe geldes de
Wemele vors. bekande hoer vul ende all is betaelt Hyr is tho gesproken dat Wemele vors. ofte hoeren erffgenamen
moegen desse vors. renten alle tyt war tyt wanner hoer des genoeget moegen weder aff vry ende quyt kopen myt
anderhalff hundert arensen gulden vors. payments ende mytter vuller renten Sunder argelist dat orkunde wy myt
unser Stadts Segell gegeven inden iare unses heren dusent vyffhundert ses ende twintich up sinte Michaels avent
doe Hilbrant Rolteman.Evert Mepsche, Ellet toe Lellens ende Johan Scatter Borgemestere weren unser Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0144
Regestnr.	708
Register Feith	1526.019
Jahr	1526
Datumcode	vMichae

x

x

x

Material	perkament