Burgemeesteren en Raad in Groenynghen oorkonden, dat Johan en Teunys van Cleve en Jacob Wolters voor hen verklaarden verkocht en overgedragen te hebben aan kerkheeren en priesters 'de gremio 'van de St. Marten en St. Walburgenkerk de jaarlijksche rente, waarvan de brieven spreken, waardoor deze brief getransfigeers is, met last hiermee eenige nader genoemde personen jaarlijks te begaan.

Wy Borghermesteren ende Raedt yn Groenynghen betueghen myt desen openen breve dat vor uns synt ghekomen
Johan ende Tonnys van Cleve ende Jacob Wolters ende bekanden vor hem ende hoeren erffgenamen dat se hebben
vorkofft upghedraghen ende overgegeven den karckheren ende preesteren de gremio van sunte Marten ende sunte
Walburgen karcken bynnen unser Stadt ende hoeren nakomelynghen karckheren ende preesteren sodane dre
gholden overlantsche Rynsche gulden Renten daer de breven van spreken daer dese breeff durch ghetoghen ys vry
ende quyet arffliken tho bruyken ende tho besytten yn allen maneren als de selve breve daer van ynholden
ende uthwysen vor ene Summe gheldes de Johan Tonnys ende Jacob vorscr. bekanden dat hem vull end all ys
betaelt van welcken Renten vorscr. jaerlixs sullen beghaen na ghewoente der karcken vorgen. Heyle Allema, Her
Willem Hove Broeder Roloff van Barsen hoer nichte Lambart Bebynck ende Elliken syn huesfrow Sunder arghelist
dat oir kunde wy myt unset Stadt Seghel Gegeven inden Jaer unses heren Dusent vyffhundert een ende veertich
donredgges na letare do Eltet tho Lellens Reyner Garmens, Albart Jarges ende Bartolt Coenrades Borghermestere
weren unser Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0443
Regestnr.	769
Register Feith	1501.015.4
Jahr	1541
Datumcode	JpLetare

x

x

x

Material	perkament