Burgemeesteren en Raad in Groeninghen oorkonden, dat Egbart Egbarts voor hen verklaarde verkocht en overgedragen te hebben aan voogden van O.L.Vr. kerk ter Ae 15 jukken land, gelegen in Ubbemaheert te Cloesterburen.

Wy Borghermester ende Raedt yn Groenynghen betueghen myt desen openen breve dat vor uns ys ghekomen
Egbart Eylartsoen ende bekande vor hem ende synen arffgenamen dat he hefft vorkofft upghedraghen ende
overgegeven den voichden ynder tydt van Unser lever vrouwen karken ter Ae bynnen unser Stadt tho behoiff der
selver karcken ende hoeren nakomelynghen vyffteyn Jucken landes gheleghen unverscheyden yn Ubbema heert yn
Cloesterburen ande moelen vry ende quydt arffliken ende ewliken tho bruyken tho besitten all hoeren vryen wyllen
daer mede tdoen end vry arffliken tho waren vor ene Summe gheldes de Egbart vorgen. bekande dat hem vull ende
all ys betaelt Sunder arghelist dat oerkunde wy myt unser Stadt Seghel Gegeven inden Jaer unses heren dusent
viffhundert dre ende veertich maendaeges na den Sondach misericordias domine do Everdt Mepsche, Reynt
Albarda, Olde Johan Hoernken ende Johan Sickynghe Borgermesteren weren unser Stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0233
Regestnr.	775
Register Feith	1543.002
Jahr	1543
Datumcode	LpMisDom

x

x

Material	perkament