Burgemeesteren en Raad in Groeninghen oorkonden, dat Harmen Clandt, Eylcko Coenrades en Hidde, echtelieden, en juffer Bawe Clants voor hen verklaarden, met toestemming van Burgemeesteren en Raad toegewezen te hebben aan mr. Hinrick Helt, den pastoor, den priester, en den voogden van U.L.Vr. kerk ter Ae, 4 nader aangeduide grazen land 'in den Groten Hoen buten der Aepoerte ', welke landen tot nog toe onverscheiden in hun land waren gelegen, en wel in die voege, dat voogden en priesters elk 2 grazen zullen hebben; met bepalingen omtrent het gebruik en het onderhoud van den naburigen dijk.

Wy Borghermesteren ende Raedt in Groeninghen betugen mit desen openen breve dat voer uns sint gekomen de
Erbare Harmen Clandt, Lylcke Coenrades, Juffrouw Hidde syn huesfrouwe sampt Juffer Bawe Clants ende
bekanden voer hem ende hoeren arffgenamen dat se den weerdigen ende walgeleerden heren Mester Henrick Helt
pastoer inder tyt van Unser Lever vrouwen kercke ter Ae mit de samptlyke preesteren sampt den voechden der
selver kercken by unse weten, wille ende consent hebben uuthgewesen sodane veer grasen landes als de voergen.
pastoer mitten preesteren ende voechden bescheer mit se onverscheiden liggende gehadt hebben inden groten hoen
buten der Ae poerte belegen Alsoe dat de gemelte pastoer mitten preesteren ende voechden voer hem ende hoeren
nacomelingen ewelyken ende aefflyken tot behoeff als voer soelen hebben ende beholden oeck tot oeren vryen
willen gebruiken ende besitten veer vulle grasen landes achter int sueder ende vanden voers. hoen tegens Mepschen
hoff gelegen, daer de Drentsche lane mitten sleet upt zuyden Clant voers. van wegen des conventes ten Hoeren upt
Westen, van syn selffs wegen upt noerden ende oeck een stuck weges bes an den dyck, ende de dyck mitten sloet
hoort an int suyden up streckende upt oesten naest an geswettet siin. Welckeer dyck ende sloet gedachte pastoer
mitten preesteren ende voechden mede tot de voergen. veer grasen landes sullen genieten ende staende holden soe
wyt, lanck ende breet de int oesten tegens de voergen. veer uutgewesen grasen waer aff den pastoer mytten
preesteren twe grasen ende den voechden tot behoeff der kercken oeck twe grasen tho behoeren gelegen ende
streckende syn, sunder argelyst. Dat oer khunde wy mit onse stadt seghel. Ghegheven inden jaere unsses heren
dusent vyffhundert veerendetsestich den achtende twintichsten dach Martij, doe Sasscher van Heringha, Joachim
Ubbena, Derck Schaffer ende Reynt Alberda Borghermeysteren weren unser stadt.

x

x

Archiv	Groninger Archieven
Bestand	Arch. Parochiekerken
Zugangsnummer	1539
Inventarnr.	0171
Regestnr.	835
Register Feith	1564.005
Jahr	1564
Datumcode	2803

x

x

x

Material	perkament