Wy Borgermesteren Raed ende hoeffluudes in Groningen betugen myt dessen openen breve dat up datum des breeffes
up onser Raedhuuse inder menen landes warff mytten hoefftlingen ende Rechteren der Ommelanden geholden
is de doem inder macht gewyset die Egbert Rengers hoefftling ten poste ende regde inder tyt ten buren gedoemt
hevet tusschen den pater ende broderen des clerchuuses in onser stad ende Roloff Elhoren als van eeine venne
landes van sovendehalff hundert so als de inde heydenscap to warke ende to scote licht nu ter tyt int
zuudereynde in bruggenzate daer se scheelachtich omme waren daer .... bert vors. den pater ende broderen
des huuses vors. van in dat ewyge besit des landes vors. gewyset ..... vet daer Egbert vors. voer
tydes enen doem oeck van gegeven hadde. Also dat de pater ende broderen vors. int besit des selven
landes gewyset waren ter tyt Roloff vors. em myt betere recht uut mochte brengen des Roloff
niet gedaen en hefft bynnen der tyt de em van Egbert vorgen gasat was. In orkonde hebben wy
onses stad sercret hiir an gehangen. Ghegeven inden jaer onses heren dusent vierhundert drie end tsoventich
inder weke voir pinxteren.

x

x

Archiv	Groninger Archieven
Bestand	Sint-Geertruidsgasthuis
Zugangsnummer	1357
Inventarnr.	0092
Register Feith	1469.032
Jahr	1473

x

x

x

Material	perkament