| Nummer:ugk062 | Datum:5. Juni 1479 | Überlieferung:Original | Fundstelle:Grimersumer Kiste, inv.nr. 062 |
Eme Hayena zu Pewsum verkauft dem Propst und Häuptling Ayld Beninga 2 1/2 Grase Landes.
Officialis terre Frisie Monasteriensis diocesis universis et singulis, ad quos presentes nostre littere pervenerint salutem in Domino sempiternam. Noveritis, quod cum nuper Ockelo Fockena de Bettewer, opidanus dum vixit opidi Groningensis, de anno Domini millesimo quadringentesime septuagesimo, die lune post Andree, [*] in usum cuiusdam vicarie de novo erigende nonnulla predia pro remedio peccatorum suorum pie erogaverit et deputaverit, prout hec in litteris desuper confectis plenius continentur, presentium tenore declaramus huiusmodi bona a tempore donationis pretacte libertate potiri debuisse et debere ecclesiastica, neque sine sacrilegii reatu preter et contra tenorem eiusdem donacionis se intromittere aliquis potuit aut valebat, et nichilominus debita desuper cum instancia requisiti eandem donationem, sicut provide facta est, approbamus et confirmamus bonaque in litteris expressa, quatinus opus fuerit ecclesiastice libertati asscribimus usuique pretacto vincimus, incorporamus et mortificamus, decretum nostrum et ordinariam interponentes auctoritatem. Datum anno Domini millesimo quadringentesimo septuagesimo nono, feria sexta post dominicam Jubilate.
