| Nummer:wzv004 | Datum: | Überlieferung:Vidimus | Fundstelle:Arch. Woldzijlvest, inv.nr. 0049, reg. 004 |
Inden
iaer ons heeren dusent vierhondert Negen ende tsoeventich omtrent sunte Johannes dach baptiste
worden worden (sic) die kadycken gedeelt vanden gedeputeerden der Stadt ende
Lande alsoe by namen
vermiddes den ersamen heeren Johan Rengers Ritter ende heere te Schermer, Goessen van Dullick
Germet Allema, Roeloff Mepssche borgermestere in Gronijngen Bartolt Kassens, Oemke Snelgersma, Frocko
Rypperda hovetlingen, ijffke Popkens ten Damme in tegenwordicheit die daer mede by an ende
over weren als die ersamen heeren heeren Johannes abbett toe Tesinge heeren Johanne Kempis abbett
toe Wittewirrum heeren Eppen commenduer in Oesterwerum daer vort mede by gedaget weeren die
Rechters ende cygenarveden in Duerdeswolt ende sommege van Scermster sylvesten Soe hebben
die vorscr. sceppers vort angesien die armoede des cloesters toe Schiltwolde ende den Rechters
vanden dree kerspelen gevraget, als by namen Schiltwolde, Hellem ende Sydebueren die die hele
dycken vorscr. alheell ende allene plegen toe holden woe vele sij den cloester toe hulpen wolde
koemen Soe namen sij em die helfte aff Soe spraken die heeren vorscr. vort toe samen mitt
oeren anderen scheppers ende die deputeerden vorgeneemd Soe dattet sceppersscap verscr. nemen die ander
helffte an hem alsoe dat convent luden van Schiltwolde en sullen gene kadycken maken tott
genen tyden inden dyck vorscr. ende vanden kadycken onbelastet blyven van wegen des landes
dat sij doe ter tyt hadden. Ten weere noetsaken van kelken ofte gaten in toe breken soe solden
de cloesterluden vorscr. mitter meente arbeyden voer oer cloesters landt gelijk die meente mit
halver mannynge ende vorder niet belastet toe wesen, weert oeck sake dattet clooster vorgeneemd hier
nae anders enich landt an queme ofte costen daer dycken up vellen daer sullen sy van doen
gelycke ander lande de dyckvestich sint Ende want dan dyt aldus geschien is als vorscr. is
hebben wij des tot orkende Johan Rengers Ritter, Germet Allema ende Roeloff Mepsche vorgeneemd
onse Segele an dessen breeff gehangen gegeven inden iaer ons heren dusent vierhondert ende
sessendetachtentich des denredages nae den sondage letaere.
iaer ons heeren dusent vierhondert Negen ende tsoeventich omtrent sunte Johannes dach baptiste
worden worden (sic) die kadycken gedeelt vanden gedeputeerden der Stadt ende
Lande alsoe by namen
vermiddes den ersamen heeren Johan Rengers Ritter ende heere te Schermer, Goessen van Dullick
Germet Allema, Roeloff Mepssche borgermestere in Gronijngen Bartolt Kassens, Oemke Snelgersma, Frocko
Rypperda hovetlingen, ijffke Popkens ten Damme in tegenwordicheit die daer mede by an ende
over weren als die ersamen heeren heeren Johannes abbett toe Tesinge heeren Johanne Kempis abbett
toe Wittewirrum heeren Eppen commenduer in Oesterwerum daer vort mede by gedaget weeren die
Rechters ende cygenarveden in Duerdeswolt ende sommege van Scermster sylvesten Soe hebben
die vorscr. sceppers vort angesien die armoede des cloesters toe Schiltwolde ende den Rechters
vanden dree kerspelen gevraget, als by namen Schiltwolde, Hellem ende Sydebueren die die hele
dycken vorscr. alheell ende allene plegen toe holden woe vele sij den cloester toe hulpen wolde
koemen Soe namen sij em die helfte aff Soe spraken die heeren vorscr. vort toe samen mitt
oeren anderen scheppers ende die deputeerden vorgeneemd Soe dattet sceppersscap verscr. nemen die ander
helffte an hem alsoe dat convent luden van Schiltwolde en sullen gene kadycken maken tott
genen tyden inden dyck vorscr. ende vanden kadycken onbelastet blyven van wegen des landes
dat sij doe ter tyt hadden. Ten weere noetsaken van kelken ofte gaten in toe breken soe solden
de cloesterluden vorscr. mitter meente arbeyden voer oer cloesters landt gelijk die meente mit
halver mannynge ende vorder niet belastet toe wesen, weert oeck sake dattet clooster vorgeneemd hier
nae anders enich landt an queme ofte costen daer dycken up vellen daer sullen sy van doen
gelycke ander lande de dyckvestich sint Ende want dan dyt aldus geschien is als vorscr. is
hebben wij des tot orkende Johan Rengers Ritter, Germet Allema ende Roeloff Mepsche vorgeneemd
onse Segele an dessen breeff gehangen gegeven inden iaer ons heren dusent vierhondert ende
sessendetachtentich des denredages nae den sondage letaere.
x
| Archiv | Groninger Archieven |
|---|---|
| Bestand | Arch. Woldzijlvest |
| Zugangsnummer | 724 |
| Inventarnr. | 0049 |
| Regestnr. | 004 |
| Jahr | 1486 |
| Datumcode | JpLetare |