| Nummer:zdd028 | Datum: | Überlieferung:Afschrift | Fundstelle:Arch. Drie Delfzijlen, inv.nr. 0272, reg. 028 |
Wij Unika Ripperda provest toe Firmssum, Dodoka Alersumma toe Godlinze, Meynko
in den Ham ende Johan Rengers ten Post in Zijze Kassens stede toe deser tijt
dyckgreven van Delffzylen went toe oester nyen syll doen kundt ende
openbaer in dessen openen breve woe dat de conventes lude toe Werum ende ten Olden
Cloester mit Syldyckster clageden voer uns up Korendycstere dat sij har
dyck up Coldehol liggende tegens de Leije daer een wiel ingebroken is
neet hadden gemaeckt. Des de Corendycksateren antwoerden ende segheden
dat de dyck ongedeelt ware ende hen neet en boerden dat allene toe maken
mit meer woerden etc. Alsoe dat wy woerden ende weder woerden gehoert ende
verstaen hebben ende um noet ende nutticheijt der landen hebben de parten
geset mitten corsten elck syn beste bewijs daer mede toe brengen alsoe dat
de abbaten te Werum ende Olde Cloester ende Zyldycstere brachten voer uns toe
Leermense in onser rechtdach voell gueder mans te tugen. Ende de
selve tugeden aldus by hoeren eeth den sy voer uns sworen ende na tugeden
dat hoer kundich ende witlick weer dat dit gemene wanck byt Coldeholl
is gedeelt in voer tyden in aldusdanige manier dat Wittewerummer
monnicken an solden tasten toe de zuyder eynde twalff roeden ende de Koren-
dycster daer na twalff roden ende de swarte monnicken als Olden Cloester ende
Zyldycster totten noerder eynde twalff roeden ende dit hebben se eenpartlick
getuget dat Werummer convent sedert de tyt dat dese delinge offte
scheydinge gemaect is hebben hoer part vorscreven gemaeckt. Hyr omme hebben
wij dyckgreven voer genoempt God vor ogen hadt ende hebben desse
tuychenisse vande vorscreven delinge in der macht gewyset. Ende daer en
boven soe solde de abbet toe Werum vorscreven mit een Cappede broder ende den
abbet ten Olden Cloester mit een Cappede broeder ende daer toe de gemene
Zyldycsteren huer eede offte van en yegelycken huys een eeth ende
die hovetlynge te brengen in de meyers stede ende zweren ten hilligen
dat se anders neet en weten dan de tugen vorscreven hebben recht gesworen
ende niet onrech, welck recht hebben se overbracht up den rechten
dach ende stede alst hem geset was wair om soe wysen wy de vorscreven
scheydinge ofte delinge in vuller macht tot ewigen dagen. In orkonde
ende en tuychenisse der waerheyt soe hebben wy Uniko, Dodoko, Meijnko
ende Johan vorscreven onse segelen an dessen breff gehangen gegeven int iaer uns
heren dusent veerhondert dre ende vyftich des naesten maendages
voer suncte Adreas apostell.
Noch is erdages questie gewest tusken onse convent ende de
int Uthende toe Hilwerden um sekere dycken aldaer gelegen
gelyck int cleyne zylboeck folio 7 angetogen, daer oick
mentie der dyckgreven wordt gemaket.
in den Ham ende Johan Rengers ten Post in Zijze Kassens stede toe deser tijt
dyckgreven van Delffzylen went toe oester nyen syll doen kundt ende
openbaer in dessen openen breve woe dat de conventes lude toe Werum ende ten Olden
Cloester mit Syldyckster clageden voer uns up Korendycstere dat sij har
dyck up Coldehol liggende tegens de Leije daer een wiel ingebroken is
neet hadden gemaeckt. Des de Corendycksateren antwoerden ende segheden
dat de dyck ongedeelt ware ende hen neet en boerden dat allene toe maken
mit meer woerden etc. Alsoe dat wy woerden ende weder woerden gehoert ende
verstaen hebben ende um noet ende nutticheijt der landen hebben de parten
geset mitten corsten elck syn beste bewijs daer mede toe brengen alsoe dat
de abbaten te Werum ende Olde Cloester ende Zyldycstere brachten voer uns toe
Leermense in onser rechtdach voell gueder mans te tugen. Ende de
selve tugeden aldus by hoeren eeth den sy voer uns sworen ende na tugeden
dat hoer kundich ende witlick weer dat dit gemene wanck byt Coldeholl
is gedeelt in voer tyden in aldusdanige manier dat Wittewerummer
monnicken an solden tasten toe de zuyder eynde twalff roeden ende de Koren-
dycster daer na twalff roden ende de swarte monnicken als Olden Cloester ende
Zyldycster totten noerder eynde twalff roeden ende dit hebben se eenpartlick
getuget dat Werummer convent sedert de tyt dat dese delinge offte
scheydinge gemaect is hebben hoer part vorscreven gemaeckt. Hyr omme hebben
wij dyckgreven voer genoempt God vor ogen hadt ende hebben desse
tuychenisse vande vorscreven delinge in der macht gewyset. Ende daer en
boven soe solde de abbet toe Werum vorscreven mit een Cappede broder ende den
abbet ten Olden Cloester mit een Cappede broeder ende daer toe de gemene
Zyldycsteren huer eede offte van en yegelycken huys een eeth ende
die hovetlynge te brengen in de meyers stede ende zweren ten hilligen
dat se anders neet en weten dan de tugen vorscreven hebben recht gesworen
ende niet onrech, welck recht hebben se overbracht up den rechten
dach ende stede alst hem geset was wair om soe wysen wy de vorscreven
scheydinge ofte delinge in vuller macht tot ewigen dagen. In orkonde
ende en tuychenisse der waerheyt soe hebben wy Uniko, Dodoko, Meijnko
ende Johan vorscreven onse segelen an dessen breff gehangen gegeven int iaer uns
heren dusent veerhondert dre ende vyftich des naesten maendages
voer suncte Adreas apostell.
Noch is erdages questie gewest tusken onse convent ende de
int Uthende toe Hilwerden um sekere dycken aldaer gelegen
gelyck int cleyne zylboeck folio 7 angetogen, daer oick
mentie der dyckgreven wordt gemaket.
x
| Archiv | Groninger Archieven |
|---|---|
| Bestand | Arch. Drie Delfzijlen |
| Zugangsnummer | 708 |
| Inventarnr. | 0272 |
| Regestnr. | 028 |
| Jahr | 1453 |
| Datumcode | LaAndree |