| Nummer:zdd034 | Datum: | Überlieferung:Origineel | Fundstelle:Arch. Drie Delfzijlen, inv.nr. 0435, reg. 034 |
Wy Thymannus Abt to Werum Uneko Ryperden Provest toe Loppersum ende Fermyssum ende Johan Rengers toe Schermer Goesen toen Grave Borgermester yn Groningen
to der tijt Syso Cassens to der tijt hoefmans yn Gronyngen ende Eghert Rengers Ten Poste
hovetlinge gecoerne dedinges lude tusschen den van Westeremede Gershusen Ryp en deel ende Sant en deel
ende ander landen die afgependet syn van wynsummer silvesten die ghiene waterynghe
hebben up die eyne syd ende die drie silvestenen van Dellffzilen op die ander syd
als benamen oem eynen waterlop
to Dellffzilen welke sake als uuet to wateren to Dellfzilen wij vorscr. dedinghes lude hebben geramet ghededynghet ende ordynert stede ende vaste to holden yn maneren als hier nae geschreven staet. Int
erste soe sullen die drie kerspelen myt den landen die also afghependet syn als vorscr. ys hebben over al vifftehalf holt voete lopes ende dat op drien steden ende hoer tyllen leggen ende holden tot
ewyghen daghen. Item die van Westeremede myt Werummer voerwerck Osynghewere ende den Zeem myt en deel van die Grode sullen to samen wateren doer den Ham yn die wymersche
ende die sullen em selff afpenden van den anderen delen ende die penden also hoelden dat hem anders gheen water en volghet. Item die van Gershusen ende Rypster die sullen to samen
wateren doer Enym ynt Enymmer maer. Item de Santsatere die sullen wateren doer dat zandt yn wydwerder maer ende desse drie vorscr. waterlope elke to leggen als em dat beste dient
myt pompen also wyt als vorscr. ys ende voert myt tillen sunder straffen offte onbestraffet van yemenden dar entusschen dart em noet mach wesen. Ende want alle dit vorscr. lant sal
hebben vyfftehalff holt voet lopes alto samen ende nyet meer op drien steden als vorscr. ys. Soe sal elck syn loep hebben nae groetheit des landes by gras tale to rekenen als dat gesamet
ende gheleghen ys yn elken delen vorscr. Item desse vorscr. drie parten die sullen mede graven ende holden elek die oelde waterynge daer sy yn comen toe Delffzilen to gras
gras ghelike to ewyghen daghen gheliek den anderen die van oeldes daer yn plaghen toe wateren. Item hier ys to gesproken dat desse drie vorscr. parten sullen die penden also
waren ende to syen dat dar gheen vreemt water over hoer lant ende doer hoer lant meer en volghe dan dar anghenomen ys by hoer eenwert. Also to verstaen dat se die pendinge
offte kaynghe also hoghe ende starck besorghen ende bewaren sullen van den Honsynghen to maken ende tot ewyghen to holdene dat dat water dar nyet doer offte over lope
uut wynsummer sylvesten op uns. Item desse vorscr. drie parten angenomen sullen wesen tot ewyghen daghen to Slochterzil ende den mede staende holden syl na syl myt schote ende
werck ende wesen ghelick den anderen die van oeldes dar to gehort hebben ende noch horen sonder alle argelist. Ende dar mede enen schepper to holden myt sylrechters ende een
Eenwert to setten ende ewych to holden myt Slochtere sylvesten nae inholt des zylbreves van Dellffzilen dar se em na rechten sullen tot ewyghen daghen. Item die vorscr.
sylrechters van dessen anghenomen landen sullen hoer pendynghe schouwen op broke als dat ons gheen vremet water en kome yn offte over by hoer Eenwert ende die wete
dar van to done by een overherynghe nae inho1t onser dryer zy1vesten breff dat ys een schilt. Die erste wete ende waer dat sake dat hier yn enyghen tiden gebreck yn
viele. So sullen desse vorscr. anghenomen landen hem selven penden van wysummer sylvesten buten Dellffzilsters ylvestene schaden op sodane steden alse die zilrechteren van
den Dellffzilen hem dan wysende werden. Offt men mach hoer waterlopen weder to slaen hen tor tijt se die pendyngen wel ghemaket hebben die hem so gewyset werden
als vorscr. ys. Ende die vorscr. pendynghe sullen se dan so hoghe ende dicht holden dat dar gheen water over off
onder lope yn enygherwijs by sodane broke als die zilrechteren
van Dellffzilen to samen off een deel uut eenre zylvesten hem kundighen. Ende wie die schouwynghe doet, die sa1 die broke hebben ende die broke to manen van hoer eenwert.
Des moghen die vorscr. zilrechteren schouwen so vake als hem ghenoghet myt weten to voren off sonder wete. Men als dar ghene wete to voren van ghescheyn ys So salt mer
halve broke wesen, mer myt der wete vol broke nae Inho1t onses zilbreves Behalven tusschen Sunte Merten ende Sunte Peter ad cathedram. Ende voer desse voerscr.water
lopen off watrynghe to Dellffzilen to ewighen daghen. So hebben desse vorscr. anghenomen lande ghegheven een summe gheldes to voerschote den drien sylvesten vorgeschreven
dar hoer wal anghenoghet ende schelden hoer dar van vry unde qwyt. Ende da. to so sullen die vorscr. anghenomene landen setten een ende holden staende to ewygen
daghen yn Holwyrder wech by den Dam dar die Heeck sa1 doer gaen. Unde oeck so moghen die vorscr. silrechters van Dellffzil schouwen die wytheit van den lope der
pompen als vorscr. ys ghelick als die pendynghe by der vorscr. broke. In oerkunde der waerheyt So hebben wy vorscr. dedynghes lude onse segelen beneden an dessen breff
ghehangen. Ende uem der merer vestnisse ende tuchnisse der waerheyt So hebben wy vorscr. dedynges lude gebeden den Erberen Borghermesteren unde Raet van
Gronynghen dessen breff mede to besegelen. Ende wy Borgermesteren ende Raet van Gronynghen hebben unse stat sege1 gehangen an dessen breff uem bede wyllen desser
vorscr. dedynghes lude. In den Jare unses heren dusent veyrhundert unde veyrundesestich Des maendaghes voer Sunte Margareten dach virginis.
to der tijt Syso Cassens to der tijt hoefmans yn Gronyngen ende Eghert Rengers Ten Poste
hovetlinge gecoerne dedinges lude tusschen den van Westeremede Gershusen Ryp en deel ende Sant en deel
ende ander landen die afgependet syn van wynsummer silvesten die ghiene waterynghe
hebben up die eyne syd ende die drie silvestenen van Dellffzilen op die ander syd
als benamen oem eynen waterlop
to Dellffzilen welke sake als uuet to wateren to Dellfzilen wij vorscr. dedinghes lude hebben geramet ghededynghet ende ordynert stede ende vaste to holden yn maneren als hier nae geschreven staet. Int
erste soe sullen die drie kerspelen myt den landen die also afghependet syn als vorscr. ys hebben over al vifftehalf holt voete lopes ende dat op drien steden ende hoer tyllen leggen ende holden tot
ewyghen daghen. Item die van Westeremede myt Werummer voerwerck Osynghewere ende den Zeem myt en deel van die Grode sullen to samen wateren doer den Ham yn die wymersche
ende die sullen em selff afpenden van den anderen delen ende die penden also hoelden dat hem anders gheen water en volghet. Item die van Gershusen ende Rypster die sullen to samen
wateren doer Enym ynt Enymmer maer. Item de Santsatere die sullen wateren doer dat zandt yn wydwerder maer ende desse drie vorscr. waterlope elke to leggen als em dat beste dient
myt pompen also wyt als vorscr. ys ende voert myt tillen sunder straffen offte onbestraffet van yemenden dar entusschen dart em noet mach wesen. Ende want alle dit vorscr. lant sal
hebben vyfftehalff holt voet lopes alto samen ende nyet meer op drien steden als vorscr. ys. Soe sal elck syn loep hebben nae groetheit des landes by gras tale to rekenen als dat gesamet
ende gheleghen ys yn elken delen vorscr. Item desse vorscr. drie parten die sullen mede graven ende holden elek die oelde waterynge daer sy yn comen toe Delffzilen to gras
gras ghelike to ewyghen daghen gheliek den anderen die van oeldes daer yn plaghen toe wateren. Item hier ys to gesproken dat desse drie vorscr. parten sullen die penden also
waren ende to syen dat dar gheen vreemt water over hoer lant ende doer hoer lant meer en volghe dan dar anghenomen ys by hoer eenwert. Also to verstaen dat se die pendinge
offte kaynghe also hoghe ende starck besorghen ende bewaren sullen van den Honsynghen to maken ende tot ewyghen to holdene dat dat water dar nyet doer offte over lope
uut wynsummer sylvesten op uns. Item desse vorscr. drie parten angenomen sullen wesen tot ewyghen daghen to Slochterzil ende den mede staende holden syl na syl myt schote ende
werck ende wesen ghelick den anderen die van oeldes dar to gehort hebben ende noch horen sonder alle argelist. Ende dar mede enen schepper to holden myt sylrechters ende een
Eenwert to setten ende ewych to holden myt Slochtere sylvesten nae inholt des zylbreves van Dellffzilen dar se em na rechten sullen tot ewyghen daghen. Item die vorscr.
sylrechters van dessen anghenomen landen sullen hoer pendynghe schouwen op broke als dat ons gheen vremet water en kome yn offte over by hoer Eenwert ende die wete
dar van to done by een overherynghe nae inho1t onser dryer zy1vesten breff dat ys een schilt. Die erste wete ende waer dat sake dat hier yn enyghen tiden gebreck yn
viele. So sullen desse vorscr. anghenomen landen hem selven penden van wysummer sylvesten buten Dellffzilsters ylvestene schaden op sodane steden alse die zilrechteren van
den Dellffzilen hem dan wysende werden. Offt men mach hoer waterlopen weder to slaen hen tor tijt se die pendyngen wel ghemaket hebben die hem so gewyset werden
als vorscr. ys. Ende die vorscr. pendynghe sullen se dan so hoghe ende dicht holden dat dar gheen water over off
onder lope yn enygherwijs by sodane broke als die zilrechteren
van Dellffzilen to samen off een deel uut eenre zylvesten hem kundighen. Ende wie die schouwynghe doet, die sa1 die broke hebben ende die broke to manen van hoer eenwert.
Des moghen die vorscr. zilrechteren schouwen so vake als hem ghenoghet myt weten to voren off sonder wete. Men als dar ghene wete to voren van ghescheyn ys So salt mer
halve broke wesen, mer myt der wete vol broke nae Inho1t onses zilbreves Behalven tusschen Sunte Merten ende Sunte Peter ad cathedram. Ende voer desse voerscr.water
lopen off watrynghe to Dellffzilen to ewighen daghen. So hebben desse vorscr. anghenomen lande ghegheven een summe gheldes to voerschote den drien sylvesten vorgeschreven
dar hoer wal anghenoghet ende schelden hoer dar van vry unde qwyt. Ende da. to so sullen die vorscr. anghenomene landen setten een ende holden staende to ewygen
daghen yn Holwyrder wech by den Dam dar die Heeck sa1 doer gaen. Unde oeck so moghen die vorscr. silrechters van Dellffzil schouwen die wytheit van den lope der
pompen als vorscr. ys ghelick als die pendynghe by der vorscr. broke. In oerkunde der waerheyt So hebben wy vorscr. dedynghes lude onse segelen beneden an dessen breff
ghehangen. Ende uem der merer vestnisse ende tuchnisse der waerheyt So hebben wy vorscr. dedynges lude gebeden den Erberen Borghermesteren unde Raet van
Gronynghen dessen breff mede to besegelen. Ende wy Borgermesteren ende Raet van Gronynghen hebben unse stat sege1 gehangen an dessen breff uem bede wyllen desser
vorscr. dedynghes lude. In den Jare unses heren dusent veyrhundert unde veyrundesestich Des maendaghes voer Sunte Margareten dach virginis.
x
| Archiv | Groninger Archieven |
|---|---|
| Bestand | Arch. Drie Delfzijlen |
| Zugangsnummer | 708 |
| Inventarnr. | 0435 |
| Regestnr. | 034 |
| Jahr | 1464 |
| Datumcode | LaMargar |