Johan Marissinge en Alijt, echtelieden, dragen over aan de abdij te Assen de rente vermeld in de transfix (ass033), om daarvoor wijn te drinken op Witte Donderdag bij hun maaltijd, "als zie vervullet hebben dat ampt, dat God de Here sijnen jongeren selver dede op dessen voers. dach, alsdat he hoere voete dwoech"; opdat zij mogen delen in de goede werken van de kloosterlingen.

Ick Johan Marissinge ende Alyt, mijn echte wijff, bekennen ende betugen myt dessen openen breve
voer ons ende voer onse erffgenamen, dat wij hebben opghedraghen ende overghegeven ewelike ende
erfflike der eerbaren joncfrouwen Golden Stellinge abdyssen der cloesters van Assen myt hoeren
ghemenen joncfrouwen alsodanige renthe als de breeff begrepen hefft daer desse breeff doer ghe-
toeghen is. Welke renthe voerscreven de abdysse mit horen jonfferen voerscreven opten Wytten Donredach
verteren sullen in wijne in hoere collacien, als zie vervullet hebben dat ampt dat God de
Here sijnen jongeren selver dede op dessen voerscreven dach als dat he hoeren voeten dwoech op dat
wij Johan ende Alyt voerscreven doer wercke ende ander hoere gueder wercke, de ghescheen nacht ende dach
in hoeren cloester voerscreven deelachtich moten worden in onsen leven ende in der doet. In oerkunde der
waerheit. So heb ic Johan voerscreven voer mij ende voer Alijt mijn huusvrouwe ende voer onse erffgenamen
mijnen seghel beneden an dessen breeff ghehangen. Ghegeven in 't jaer onss heren m cccc ende vier
ende soventich op palmedach.

x

x

Archief	Drents Archief
Fonds	Arch. Abdij Assen
Inventarisnr.	11
Regestnr.	88
Jaar	1474
Datumcode	Palmar

x

x

x

Commentaar	Met geschonden zegel in groene was.

x

Materiaal	perkament
Afmeting (mm)	195/85

x