Hydda Ewisma, hoofdeling te Middelstum, verkoopt aan het klooster Wijtwerd 5 jukken land, geheten Galcismaland.

Ik Hydda Ewisma hoflingh in Middilsum by kenne ende bytughe mith desse oepene breve dat ik mith vasten upzate unde
fullen byrad hebbe vorkofft Wytwerthera conventisliuden vif jocke landis, dat van oldis ghenamed is Galtisma land
mith zynen dyken ende thobihor. Hwellik lant ende dyken den vorsc. conventis liuden sulven tho der swettha ghelegin
sint ende bij hoer sulvis huse ende heme. Dit vorsc. lant hebben desse vorsc. conventis my Hidden vorsc. wytlike ende wal
bytaled den lesten pennigh mith den ersten. War umbe zo gheve ik Hidda vorghenamed den vorsc. conventis liuden
dit vorsc. lant vry unde verdich tho bruken tho vorwislen tho versetten tho vorkopen ende allen hoeren vryen wyllen daer methe
tho doen van my ende myne naekomelinghen tho evighen tyden Hyr hebben an ende ovir wesin Elteko in da Orda Ello tho
Kanse Hoytiko Bernekama tho Usquarth Beno tho Watwerth ende andirs vele wyzer ende byscheydeliker liuden In eyn orkunde
desser warheyd so hebbe ik Hiddo vorsc. mynen Segill. binethin an dessen breff ghehanghen Int jaer uns herens als men
scr. M^o CCCC^o unde eyn unde dertich des andirs daghis nae Sunte Margareten der helighe iuncffrowen ende martiris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	303
Regestnr.	145
Olim	Arch. Klooster Wijtwerd, inv.nr. 20, reg. 56. Reg. Feith 1431.3.
Jaar	1431
Datumcode	cMargar

x

x

Commentaar	Met het zegel van Hyddo Ewisma

x

Materiaal	perkament