Johaen Erspeling, Albert Hughinge, Johaen Husinge, Sicko Alheydes, kerkvoogden te Haren, verklaren dat zij met toestemming van heer Meynaerde, kerkheer, en het gemene kerspel hebben verkocht en bij stoklegging overgedragen aan Johaen en Hinrick, de zoons van Peter, koster, de oude kosterij te Haren.

Wy Johaen Erpeling, Albert Hughinge, Johaen Husinge, Sicko Alheydes kercvoghede to Haren bekennen ende tughen
in dessen breve daet wij myt consent her Meynaerde unse kerchere ende des ghemenen kerspels hebbn vorkoeft de olden
kosterije, hus ende hoef, als de ghelegen ys Johaen ende Hinrick Peter coster soens erflick ende ewelick van enen summen
gheldes de uns ende den kerspel wytliken ende wael betalet ys ende hebben der vorscreven costerije, hues ende hoef, afstael
ghedaen erflick ende ewelick mit stoeck leggen alsoe lantrecht ys. Daer aen ende aver were arfaftige bure toe Haren Gherd
Buning, Johaen Buninge, Clauwes Hovedinge, Roetmer Hidden, Albert Knotte, F Derick Laxmaen, Johaen vaen Arle, Berner Eysinge,
Ludeke Waninge ende anders vele guede lude. Toe merer bekantnisse soe hebbe wy voghede vorscreven ghebeden her Meynarde
unsen kercheren dessen bref to beseghelen um ghebreck unses seghels. Des ick Meynaerdus bekenne umme bede de vorscreven
kercvoghede myn seghel hebben wytliken ghehanghen neden aen dessen bref de gheven ys intjaer unses heren Goedes dusent
veerhundert vyf ende vyftych des hilghen avendes Philippi et Jacobi apostolorum.
Desse olde kosterie vorscreven, hues ende hoff, is in gueden geloven gecoft van Johanne ende Henrike vorscreven to des convents
behoeff van Essen ende meddes convents gelde betalt med allen onrade van stocleginge den ze tottes convents behoef
ontfangen hebben sonder al argelist wantet onsen erve voer der doer wall gelegen is zo we daer meyger op
is woenachtich.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	132
Regestnr.	335
Olim	Arch. Klooster Essen, inv.nr. 4, reg. 49. Reg. Feith 1455.24.
Jaar	1455
Datumcode	vPhiJac

x

x

Commentaar	Met het zegel van Meynardus, kerkheer te Haren

x

Materiaal	perkament

x