Rolof Wiltinge te Ees en zijn vrouw Aleyt verklaren dat zij verkocht en bij stoklegging overgedragen hebben aan de keldermeester en het gemene convent van Esse het goed, geheten Nije Wiltinge en gelegen in de marke van Ees onder de klokslag van Borger.

Ic Rolof Wiltinge toe Ees ende Aleyt myn echte wijf bekenne ende betuge myt dessen openen breve dat
wy hebben vercofft stades vastes erfcopes voer uns ende unze arfgenamen den kelre van Esse ende den geme-
nen convente alzo dane erve ende gued, hues, hoff, lant, made, buesch, benomet of unbenomet, geheten
Nye Wiltingen alzo als dat gelegen is in der marke van Ees ende onder den klocken van Borger voer enen
sum van gelde de my Roloff vorscreven witlick ende al betalt is to mynen willen. Ende van dessen vorscreven guede
zal ende wyl ic Roloff vorscreven waerscap van doen voer my ende myne arfgenamen ende vort voir myne broders ende
vort voir al de gene de daer myt rechte up spreken mogen. Ende ic Roloff vorscreven noch myne arfgenamen en sal dar
nummer bet sprake noch recht noch reden up hebben up dit vorscreven gued to genen tiden ende hebbe den stock
daer van gelecht ende ssint desses vorscreven guedes affgegaen als lantrecht is. Over dat stocleggen heb-
ben gewest arfachtige buer in Ees Albert Wiltingen, Iohan Husingen. Hijr hebben an ende over gewest
als dedinges lude Wicher Wanekingen, Hermen Hilboldinck. In orkunde der warheit zo hebbe ic Ro-
loff vorscreven gebeden den erbaren heer Iohanne van Hueswerden kercheer toe Borger dessen breeff
over my to bezegelen. Ende ic heer Iohan vorscreven umme bede willen Rolofs hebbe mynen zegel wit-
liken an dessen breeff gehangen int iaer uns heren dusent vierhundert ende dre ende tachtentich up sun-
te Pauwels avent als he bekeert wort.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	109
Regestnr.	695
Olim	Arch. Klooster Essen, inv.nr. 2, reg. 85. Reg. Feith 1483.35.
Jaar	1483
Datumcode	vConPau

x

x

x

Materiaal	perkament

x