Burgemeesters en raad te Groeningen verklaren dat Menolt te Cleywert heeft verkocht aan abt Marsilius en het convent van Selwert een jaarlijkse rente, groot drie arnhemse guldens, gaande uit het land bedoeld in de hierbij getransfigeerde akte, welke rente op iedere Sunte Meertensdaghe kan worden afgekocht met vijftig arnhemse guldens.

Wy Borghemeystere ende Raet in Groeningen Betugen myt desen openen
breve dat voer ons is ghecomen Menolt toe Cleywert ende becande voer em ende
synen erfgenamen dat hie hevet vercoft op ghedraghen ende overghegheven den
eersamen heren Marsilio Abt ende convente van Selwert toe behoef des convents
voerscr. drie arnemsch gulden eerfliker rente uut den lande daer die brief van spreket
daer dese brieff doer ghetoegen is Twalef onser stad vleemschen voer datum des
brieves ghemunt of payment dat daer guet voer is voer elken gulden ghere-
kent iaerlix toe Sunte Meerten toe betalen ende vry erfliken daer uut toe waren
voer een summe gheldes die Menolt voerscr. becande dat hem vol ende al is betaelt
Hyr is toe ghesproken dat Menolt vorscr, of syn erffghenamen desse voerscr. drie gulden
rente moeghen weder aff vry ende quijt copen toe alle sunte Meertens daghe
wanneer em des ghenoeget myt vyftich gulden voerscr. paymentes ende mitter
vuller renten sonder argelist. Dat orkunde wy myt onser stadzeghel Ghegeven
in den iaer ons heren duusent vierhondert ses entachtentich des maendages
nae Sunte Meerten in den wynter Doe Sweer Kater, Coppijn larghes, Ro
leff Mepsche, Herman Leeu Borgemeystere weren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 024r
Regestnr.	751
Olim	Arch. Klooster Selwerd, inv.nr. 1, reg. 366.
Jaar	1486
Datumcode	LpMartin

x

x

x

Materiaal	perkament