Wyt Tyartsema, grietman in Langhewolt, oorkondt dat Andreas, keldermeester van Trimunte, heeft geruild met Albert Hinricksen op de Torne, meier van het convent, een stuk land van drie grazen, geheten Jeyedijck, tegen een stuk dijkland, geheten Ykummadijck, waarvan het convent een oudere transportakte van Albert ontvangen heeft.

Ick Wijt Tyartsema grietman in Langhe Wolt van myns gnedygen heren etcetera betuge
mit desen openen breve dat voer mi is gecomen her Andreas in den tijt kelner toe
Trimunte ende becande voer hem ende syn nacomelinghen dat hie heft gewisselt mit Albert
Hinricksen op die Torne des convents van Trimunten meijer een stucke landes alsoe dat
Albert verscreven ofte syn erfgenamen sullen hebben ewelycken ende erflicken van des conventes lan-
de een stucke landes omtrent dre grase landes geheeten Jeijedijck gelegen westwert
an des convents landen daer Albert verscreven an die noerder syt by gelandet is. Ende hijr
en tegen sal dat convent van Trimunte weeder hebben dat stucke dycklandes geheeten
Ykummadyck soe luttick ende groet als dat geleeghen is middels in des conventes
lant welcke Albert voerscreven gecoft heft van Maens Gradema daer die kelner
voerscreven den brief van Albert verscreven ontfanghen heft vry ewelicken ende erflicken toe be-
sitten ende bruicken aen beyden parten ende wes dat convents lant beter was daer heft
Albert voerscreven den kelner voer vernoeget ende vulgedaen tot synen willen sonder enyge
argelijst. In oerkunde der waerheit soe hebbe ick Wijt grietman voerscreven om beyden
parten willen ende beede des gemeenen landes seegel van Langwolt beneden an dessen
brief gehangen int jaer ons heren dusent vyfhundert ende ellven des vridfages voer
pinxteren.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	71
Regestnr.	960
Olim	Arch. Klooster Trimunt, inv.nr. 8, reg. 16. Reg. Feith 1511.28.
Jaar	1511
Datumcode	VaPentec

x

x

Materiaal	papier

x